2 Korinŧ 12:18 - Mankanya

¹⁸ Dkooţ Tit abi du an, ado kë agakandër na ayiţ nja ţi Kriŧtu i nameeŋ. Tit abi guuraaran i ? Nin ! Nji na a, ŋwo na uşal uloolan ado uko unwooŋ uloolan.

2 Korinŧ 12:18 Referans Kwoze

2 Korinŧ 8:6

Uko mënţ ukaaŋ kë ŋkooţ Tit abi du an abaañëş ulemp wi pţonkrën itaka yi bajunt jibi abiiŋ ajun wa.

Baromeŋ 4:12

Awo kak aşin banwaliiŋ kaŧëmp, banwooŋ baanliŋ ţi pwala kaŧëmp ţañ bakak aţaş pfiyaar pi Abraham aşin nja afiyaaruŋ ji abi ado kawala kaŧëmp.

1 Piyeer 2:21

Ul adatanaŋ pa nahaj ; Kriŧtu ţi uleeful ahaj haj nahilna nado katen ţi a, nahilna nado kado ji a :

2 Korinŧ 7:6

Kë Naşibaţi anjaaŋ atëŋţën biki bapoţënuŋ aşë tëŋţënun na ubi wi Tit.

2 Korinŧ 7:2

Nawo kadiimanun kaara di nan. Ŋëndo nin ñaaŋ aloŋ buţaan, ŋënlempaşaana ujënk wi nin ñaaŋ.

1 Korinŧ 4:21

We wi nahokanuŋ keeri ? Naŋal mbi du an na pmul këme mbi du an na uŋal na pjoob bkow ?