2 Korinŧ 12:14 - Mankanya

¹⁴ Kë nşaaŋ abomandër pbi du an uyaaş uwajanţën aşë wo mënkdinan nin kawo ţi iñen yi nan. Ŋhaaş ŋi nan ŋi ŋi nji numiiŋ, mënţ itaka yi nan ya. Mënţ bapoţ bajaaŋ bawo i kala itaka kahankar bajug baka, bajug baka bakaaŋ na pla itaka kahankar bapoţ.

2 Korinŧ 12:14 Referans Kwoze

1 Korinŧ 10:33

Hënk di di njaaŋ kado : dji kaŋal ţi iko bŧi pdo uko unliluŋ bañaaŋ bŧi. Mënji kaşal uleef naan, dji kaşal bandukiiŋ, bahilna babuur.

1 Korinŧ 10:24

Nin ñaaŋ awutan kado kaşal uleeful ţañ, adoon kaşal aŧënţul.

2 Korinŧ 1:15

Dfiyaar uko mënţ, ukaaŋ kë mbi ŋal kaţëpna duna du an, kabaa kaya Maŧedoniya di nji kawoonuŋ kakak du an, kaşë kayeenk uko wi nji kanumiiŋ pyaana bayaaş du Yuda, hënk nahilna nanuurandën uyaaş utëbanţën.

1 Teŧalonika 2:11

Name bnuura kë ŋwo na an bŧi jibi aşin napoţ ajaaŋ awo na abukul ;

Ulemp 20:33

Wi nwooŋ ţi, mëññebar unŧaam wi ñaaŋ aloŋ, këme uwuuru, këme imişa.

1 Teŧalonika 2:8

Ŋŋalan ŋal maakan adoo hilan kawo ŋënkliŋ liŋ ţi pţupan Uţup Ulil Unuura wi Naşibaţi ţañ, ma kakeţaran, ţiki nakak bañaaŋ biki ŋmaganuŋ maakan.

Filipiya 4:17

Mënkla la nawulën uko uloŋ, uko wi nŋaluŋ uwo : uko wi nadolnuŋ uwo bnuura bi Naşibaţi akhoţalëşuŋ ţi iko yi ahankanaŋ.

Filipiya 4:1

Hënk an bayiţ naan biki mmaganuŋ maakan, dnuhan maakan, an nawooŋ mnlilan mi naan, na uko unkyuujuŋ kë nji dwatuŋ ţi kampëtar ki nji kapëtaruŋ. An biki mmaganuŋ, hënk di nawooŋ kamëban kaliinŧ ţi pţaş Ajugun.

1 Korinŧ 16:5

Dŋal pţëpna uŧaak wi Maŧedoniya kabaa kabi pwinan.

1 Korinŧ 11:34

Woli ubon ude ñaaŋ, adeen du katohul, hënk Naşibaţi aankluŋ kakoban. Kë iko indukiiŋ ţi yi naheparuŋ, dluŋ kaŧeeman ţi ya wal wi nji kaluŋ kaban du an.

1 Korinŧ 4:19

Kë nşë bi du an uunkjon woli ulil Ajugun katen bahomp mënţ. Woli dluŋ aban, mënkten ŋţup ŋi baka ţañ, dten me baka mnhina na manjoonan.

1 Korinŧ 9:12

Woli bañaaŋ baloŋ bampaţi bayeenk iko mënţ ţi an, un ŋënwo i kaţëp ţëp kayeenk ya kapelan i ? Kë ŋşë wo ŋënţo aten uko mënţ, ŋbaa ţëp ţëp amiir iko bŧi kawutna kaneenan Uţup Ulil Unuura wi Kriŧtu uya kadun.

1 Korinŧ 9:18

Kë we uwooŋ baluk naan keeri ? Uwooŋ ndo kaţup Uţup Ulil Unuura wi nji kaţupuŋ, kawo mënklempaşaana wa.

1 Korinŧ 9:19

Nin aloŋ aanhil kaţu'ën pdo uko uloŋ, kë nşë ŋal ŋal kalempar bañaaŋ bŧi, kahilna kaţij bañaaŋ baŧum maakan ţi pfiyaar Kriŧtu.

2 Korinŧ 11:9

Kë wi nwooŋ du an, awo ţi kanuma, mënwo ţi iñen yi nin ñaaŋ, ţiki bayiţun ţi Kriŧtu banwoonuŋ Maŧedoniya bawulën uko wi nnumiiŋ bŧi. Aa, ddoonaan awo mënwo ţi iñen yi nan, akak aluŋ kadoonaanaara kado haŋ.

2 Korinŧ 12:13

We wi ndoluŋ du banfiyaaruŋ bandukiiŋ kë mëndo wa du an ? Uko uloolan wi nwooŋ mëndoo, uwo kë mëndinan awo ţi iñen yi nan ! Namiiraan uko mënţ.

Galaŧiya 4:19

An biki nŋaluŋ maakan, dhaj pa an uyaaş uloŋ kak, ji ñaaţ anwooŋ ţi kabuk, te wal wi Kriŧtu akjijuŋ ţi an.