2 Korinŧ 11:29 - Mankanya

²⁹ Woli ñaaŋ abiişnaa, nji kak dji kabiişna ; woli ñaaŋ apën ţi bgah, dji kajooţan maakan.

2 Korinŧ 11:29 Referans Kwoze

1 Korinŧ 9:22

Woli dwo ţi pŧoof pi banwooŋ baanliinŧ ţi pfiyaar, dwo ji banwooŋ baanliinŧ ţi pa. Dwo iko bŧi pa bañaaŋ bŧi, kahilna kado jibi nhilanuŋ, Kriŧtu ahilna abuuran baloŋ.

1 Korinŧ 8:13

Ukaaŋ kë woli uko ude uloŋ ukaki kado ayiţ naan ajot, kahokan pwut kade wa kawutna kado ajot.

Uko wi ayuujuŋ Yowan 2:20

Kë nşë wo mënlilan ţi uko uloŋ ţi. Nawut ñaaţ anwooŋ Jeŧabel kë awo ţi pŧoofan. Aji ul awo Naţupar Naşibaţi aşë ji guur balempar naan kajukan baka pţopan ŋleef ŋi baka na pjuban pi piinţ kabot kade uyemaţ wi ŋnŧaam ŋi bafiŋaruŋ ŋnŧoŋ.

Uko wi ayuujuŋ Yowan 2:2

Dme uko wi najaaŋ nado, ame unoor wi nan na kamiir ki nan. Dme kë naanji nadinan bañaaŋ bawuţaan bawo ţi pnŧuk pi nan ; bañaaŋ banjakuŋ aji bawo banjañan aşë wo baanwo banjañan biki naan, naten baka ayikrën kë bawo baţilan.

Galaŧiya 6:2

Andoli adoon kaţënk aŧënţul pkuŋa bdaaj bi nul ; hënk naţaş bnuura bgah bi Kriŧtu.

Galaŧiya 2:14

Wi nwinuŋ kë baankpoş aŧaaŋ na manjoonan manwooŋ Uţup Ulil Unuura, dji na Piyeer ţi kadun ki bañaaŋ bŧi : « Iwi inwooŋ nayuday i kabuka, ikdooŋ ji banwooŋ baanwo bayuday. Iinţaş bgah bi bayuday. Kë hum di di iŋaluŋ pwuuk banwooŋ baanwo bayuday bakak bado kado ji bayuday ? »

2 Korinŧ 13:9

Woli pbiişna pi nun pakaaŋ kë naka mnhina, ŋji ŋlilan ţi uko mënţ. Uko wi ŋjaaŋ ŋñehan Naşibaţi uwo nawo bañaaŋ banjinţuŋ ţi këş ki nul.

1 Korinŧ 15:36

Iwi iwo nawaaŋ uşal ! Iimme kë woli iŧepii, udeey uloŋ uunji uhil kabuk bë uunkeţ keţ duna i ?

1 Korinŧ 12:26

Woli umbaŋ uloŋ ţi uleef ude, uleef bŧi ujaaŋ uhaj na wa ; kë woli umbaŋ uloŋ ţi uleef udëmanaa, ŋundu bŧi kak ŋaji ŋadëmana.

1 Korinŧ 11:22

Naanka itoh yi nakdeenuŋ kabot kadaan i ? Këme nabeeh bañaaŋ biki Naşibaţi ? Naŋal pkowandën banwooŋ baanka nin uko uloŋ i ? We wi nwooŋ kajakan ba ? Dwo i kabeeban i ? Mënhil kabeeban ţi uko mënţ.

Baromeŋ 15:1

Nja ŋnfiyaaruŋ aliinŧ ţi Kriŧtu ŋwo i kado kamiir banwooŋ baanka mnhina mënţ, kawut kado uko wi nja ŋŋaluŋ ţañ.

Baromeŋ 12:15

Nalilaan na banwooŋ ţi mnlilan, nawooni na banwooŋ ţi ŋwooni.

Yowan 2:17

Baţaşarul baleş wal mënţ uko umpiiŧaniiŋ ţi Ulibra wi Naşibaţi : Uŋal uweek wi nkaaŋ pa Katohu ukfiŋnuŋ.

Maci 11:6

Anwooŋ aampok pfiyaarën anuurandëni. »

1 Korinŧ 8:9

Naţaafaraan kakşa uko wi badinananaŋ pdo wi nawooŋ banfiyaaruŋ udo bayiţan ţi Kriŧtu mënţ biki ŋşal ŋawooŋ ŋaanliinŧi bajuban.