1 Korinŧ 6:15 - Mankanya

¹⁵ Naamme kë uleef wi nan uwo kafah kaloŋ ki uleef wi Kriŧtu i ? Djej keeri uleef wi Kriŧtu kado uleef wi naţuunk i ?

1 Korinŧ 6:15 Referans Kwoze

Efeŧ 5:30

ţiki ŋwo uleeful.

Baromeŋ 12:5

Kë hënk di uwooŋ pa nja : ŋŧum maakan kë nja ŋnwooŋ biki Kriŧtu ŋşë wo uleef uloolan, andoli awo i bandukiiŋ.

Koloŧ 2:19

Baanji bamëban ţi Kriŧtu anwooŋ bkow. Ul ankaaŋ kë uleef bŧi uji uka uko bŧi wi unumiiŋ, kamëbandër bnuura ţi dko di imoh ijaaŋ iyitiiraan, kabot kadëm jibi Naşibaţi aŋaluŋ.

1 Korinŧ 12:27

Kë an, nawooŋ uleef wi Kriŧtu, naţok ţi wa, andoli awo umbaŋ uloŋ.

Efeŧ 4:12

Ado haŋ bañaaŋ biki Naşibaţi bahilna babomandër pa ulemp wi ptëŋţën uleef wi Kriŧtu unwooŋ bañaaŋ biki Naşibaţi bŧi.

1 Korinŧ 11:3

Kë nşë ŋal name uko wi : ñiinţ andoli awoona ţi Kriŧtu ; kë ñaaţ awoona ţi ñiinţ ; kë Kriŧtu awoona ţi Naşibaţi.

1 Korinŧ 6:19

Naamme me kë uleef wi nan uwooŋ dko dyimanaan di Uhaaş wi Naşibaţi ufëţuŋ i ? Uwo ţi an, Naşibaţi awulanaŋ wa. Mënţ an keeri nakaaŋ uleefan.

Efeŧ 5:23

Ñiinţ awooŋ ajug katoh jibi Kriŧtu awooŋ ajug banfiyaaruŋ. Banfiyaaruŋ bawooŋ uleef wi Kriŧtu, kë ul ţi uleeful ajaaŋ abuuran baka.

Luk 20:16

Aluŋ kabi kafiŋ baka kawul uwoorta bañaaŋ baloŋ. » Wi bañaaŋ baŧiinkuŋ uko waŋ aşë ji : « Naşibaţi aankdinan nin uko waŋ uwo ! »

Galaŧiya 6:14

Nji ţi uleef naan, mnhina hina kadëman bkow bi naan ţi nin uko uloŋ umpaţi na kruŧ ki Yeŧu Kriŧtu Ajugun. Ţi kruŧ, iko yi umundu ipaŋana pa nji kë nji nkak apaŋana pa iko yi umundu.

Galaŧiya 3:21

Kë bgah, balaţ kahoŋ ki Naşibaţi i ? Nin ! Woli ŋyeenk lah bgah banhiluŋ pwul un ubida wi manjoonan, pwo naŧool ţi këş ki Naşibaţi pawoona keeri ţi pţaş bgah.

Galaŧiya 2:17

Kë woli ŋla pţëpna ţi Yeŧu kawoona baŧool ţi kadun ki Naşibaţi, ŋwo wo ji biki bajaaŋ baji bawo bado buţaan. Uko waŋ uyuuj kë Kriŧtu aţu'un ţi pdo pekadu i ? Nin, mënţ hënk da.

1 Korinŧ 6:13

Baloŋ ţi an baji baji : « Uko ude uwo wi kayiŋ, kë kayiŋ kawo ki uko ude » kë Naşibaţi aşë luŋ kaba na yul bŧi. Kë uleef uşë wo uunwo wo pdo kajubanaan pjuban pi piinţ, uwo wi Ajugun, ul amëbanuŋ wa.

Baromeŋ 7:13

Kë uko unnuuriiŋ mënţ, ukak hënkuŋ uko unjaaŋ ufiŋ pa nji i ? Nin ! Mënţ hënk da, pekadu daţëpnuŋ ţi uko unuura afiŋën kahilna kadiiman uko unwooŋ pekadu. Pekadu daţëpna ţi uko wi bgah baţuuŋ pdo adiiman pyiban pi da.

Baromeŋ 7:7

Kë we wi ŋwooŋ keeri kaji ? Bgah bi Moyiŧ ţi uleef wi ba bawo pekadu i ? Nin ! Mënţ hënk da. Kë uşë wo woli mënţ bgah ba lah, mënkme uko unwooŋ pekadu. Woli mënţ bgah bajakuŋ lah wutan kañeebar bka bi ñaaŋ, mënkme uko unwooŋ pñeebar uko wi ñaaŋ.

Baromeŋ 6:15

Kë we wi ŋwooŋ kado ba ? Wi ŋwooŋ ŋënwo ţi mnhina mi bgah bi Moyiŧ awo ţi bnuura bi Naşibaţi, ŋwo kaduka ţi pekadu i ? Nin, mënţ hënk da.

Baromeŋ 6:2

Nin ! Ŋkeţ pa pjuban pi nja, hum di di ŋhinanuŋ keeri kaduka ţi pjuban ?

Baromeŋ 3:31

Kë hënkuŋ, woli ŋdiiman kë pfiyaar pawoonuŋ, ŋwo biki kaţilma bgah bi Moyiŧ i ? Nin ! Woli ŋfiyaar na manjoonan, wi wi ŋjaaŋ ŋţaş bgah na manjoonan.

Ujuni 44:17

Kë Yoŧef aji : « Mënhil kado uko waŋ, ñaaŋ i bawinuŋ pnkalame ţi a i i nji kajuuknţënuŋ ţi ulemp. An, nakakan na iţëb ijoob du aşinan. »

Baromeŋ 3:6

Name kë mënţ hënk da ! Woli aanwo naŧool, hum di akhilanuŋ keeri kawayëş umundu ?

1 Korinŧ 6:3

Naamme kë ŋluŋ kawayëş ŋwanjuŧ i ? Kë hum di di ŋwooŋ ŋënhil kawayëş iko yi umundu wi ba ?

1 Korinŧ 6:17

Kë hënk kak di di ñaaŋ annakiiruŋ na Ajugun, ajaaŋ akak uhaaş uloolan na a.