1 Korinŧ 14:16 - Mankanya

¹⁶ Na manjoonan, wi ikdëmanuŋ Naşibaţi ţi ŋţup ŋi baţi, hum di ñaaŋ anwooŋ aante ŋţup mënţ ahiniiŋ kaŧeem kaji uwo haŋ bë aante uko wi iţupuŋ ?

1 Korinŧ 14:16 Referans Kwoze

Uko wi ayuujuŋ Yowan 5:14

Kë ŋko ŋbaakër ŋuŋ ŋaşë ji : « Uwo haŋ » kë bantohi başë ŋup ţi kadun ki baka adëman baka.

1 Korinŧ 11:24

abeeb Naşibaţi, apitëş ka awul baţaşarul aşë ji : « Uleef naan wii wi, unwulaniiŋ pa an. Naluŋiiŋ nado kado hënk uwo pleşan pi naan. »

Uko wi ayuujuŋ Yowan 7:12

ŋaji : « Uwo haŋ ! Naşibaţi i nun, ŋbeebu adëmanu ţiki iwo na uşal unŧuŋa na mndëm na mnhina te mnţo. Uwo haŋ ! »

Uko wi ayuujuŋ Yowan 22:20

Anţupuŋ uko waŋ aji : « Aa, dbi hënkuŋ ! » Uwoon haŋ ! Iwi Yeŧu Ajugun, biini !

1 Korinŧ 16:24

Dŋalan, an bŧi wi ŋwooŋ ţi ploolan na Yeŧu Kriŧtu.

1 Korinŧ 14:14

Woli dñehan na ŋţup ŋi baţi, uhaaş wi naan uji uwo ţi pñehan, uşal kaşë wo uunji ulemp.

1 Korinŧ 14:2

Na manjoonan ñaaŋ anjaaŋ aţup ŋţup ŋi baţi aanji ţiini ţiini na bañaaŋ bajën, aji ţiini na Naşibaţi ţañ ; nin aloŋ aanji te iko yi ajakuŋ, aji ţup iko inmeniiŋ yi Uhaaş wi Naşibaţi uwululuŋ.

Ulemp 4:13

Banţooŋ uruha bañoŋar wi bawinuŋ Ŧimoŋ Piyeer na Yowan banwooŋ baando juk juk, jibi bakţupi kë nin baanţëp adoo lënk lënk. Bayikrën wal mënţ kë biki mënţ babi wo bagakandër na Yeŧu.

Yowan 21:25

Uka iko iloŋ iŧum kak yi Yeŧu adoluŋ. Woli ñaaŋ aŋal ppiiŧ ya bŧi, dşal aji umundu bŧi uunkkëş pţuuna ŋlibra ŋankpiiŧuŋ.

Yowan 7:15

Bayuday bañoŋar aşë hepar aji : « Hum di di ameeŋ iko yi bë aanjuki ? »

Markuŧ 16:20

Kë baţaşarul başë ya du dko bŧi aţup Uţup Ulil Unuura. Ajugun alemp na baka abot ayuuj kë uko wi bakţupuŋ uwo manjoonan na iko iñoŋarënaan yi bakdoluŋ.]

Maci 28:20

najukan baka pdo kaţaş iko bŧi yi njakanaŋ nado kado. Natenan : dwo na an na ŋnuur bŧi te uba umundu. »

Maci 6:13

Kwutun ŋdo buţaan woli baguurun işë ibuuranun ţi Unŧaayi Uweek. [Iwooŋ ajug pşih, mnhina, na mndëm te mnţo. Uwo haŋ.]

Kañaam 41:13

Nji nwooŋ naŧool, iţënkën, akakanaan uleef, adolën kë nwo ţi kadunu te mnţo.

Maci 15:36

aşë jej ipoom paaj na kaloŋ yuŋ na ŋţëb ŋuŋ, abeeb Naşibaţi, akitëş ya aşë wul baţaşarul, kë bafaş bañaaŋ.

2 Korinŧ 1:20

Yeŧu Kriŧtu awooŋ « aa » mënţ, iko bŧi yi Naşibaţi ahoŋuŋ idolana ţi a. Kë ţi ul i i ŋkţëpnuŋ kaji uwo haŋ, kadëmanaana.