1 Korinŧ 13:12 - Mankanya

¹² Hënkuŋ ŋji win ji ñaaŋ antenuŋ ţi kawini kanfëluŋ kë wal mënţ ŋşë luŋ kawin Naşibaţi bnuura katena ţi këş, hënkuŋ ŋëmme Naşibaţi bnuura, kë wal mënţ ŋşë luŋ kame'a bnuura jibi ul ameeŋ nja bnuura.

1 Korinŧ 13:12 Referans Kwoze

1 Yowan 3:2

An banohnaan, ŋwo hënkuŋ babuk Naşibaţi, kë uko wi ŋëkbiiŋ kawo uundo meeţana. Kë ŋşë me uko wi : woli Kriŧtu aluŋ apën awinana, ŋkak kanaam na a, ţiki ŋwina jibi awooŋ.

2 Korinŧ 3:18

Nja bŧi, ŋnhiluŋ hënkuŋ pwin mndëm mi Ajugun, mndëm mënţ manji manwinana ţi nja ; uhaaş wi Ajugun uwo ţi pţëlëş nja kë ŋkak anaam na Ajugun, mndëm mi nja kë mankdëma dëm pya.

Filipiya 3:12

Mënji ddo bi ka ka uko mënţ këme nwo ñaaŋ anwooŋ aanwo na nin buţaan dloŋ, kë nşë taman katen me dmob uko mënţ, ţiki Kriŧtu amobnuŋ nji ţi uleef naan.

Uko wi ayuujuŋ Yowan 22:4

bawin kaara di nul, katim ki nul kabot kawo ţi ijuk yi baka.

Yakob 1:23

Hënk di di uwooŋ, woli ñaaŋ aŧiink uţup aşë wo aankdo uko wi ukţiiniyaanuŋ, unaam ñiinţ anktenuŋ kaara di nul ţi kawini.

2 Korinŧ 5:7

Na manjoonan, ŋpoşna pfiyaar, ŋënkpoşna këş.

Maci 5:8

Bañaaŋ banwooŋ na ŋhaaş ŋjinţ, banuurandëni ţiki baluŋ kawin Naşibaţi.

1 Korinŧ 8:3

Kë ñaaŋ aşale ŋal Naşibaţi, uŋ mënţan Naşibaţi aji me a.

Baromeŋ 8:18

Dwin kë mnhaj mi ŋkhajuŋ hënkuŋ maanhilan kaliŋ na mndëm mi Naşibaţi akluŋ kayuuj ţi nja.

Ujuni 32:30

Yakob aji na a : « Dkooţu kooţ ţupaan katimu. » Kë aŧeem aji : « We ukaaŋ kë ikheparaan katim naan ? » Aşë ñehandëra bnuura ţi dko mënţan duŋ.

Maci 18:10

« Naţaafaraan kabeeh aloŋ ţi bapoţ biki. Na manjoonan, ŋwanjuŧ ŋi baka ŋaji ŋanaţ wal undoli du kadun ki Paapa anwooŋ du baţi.

Yowan 10:15

jibi Paapa ame'ënuŋ kë mbot ame'a. Dwul ubida wi naan pa ŋkaneel ŋi naan.

Ppën 33:11

Ţi wal mënţ Nawat Kabuka aji ţiini nţe na Moyiŧ aji ŧaaŋ ŧaaŋ na a, jibi ñaaŋ ajaaŋ aţiini na nanohul. Babale Moyiŧ aji kak du dko di bafëţuŋ. Kë Yoŧuwe, naţaşa abuk Nun anjaaŋ aţënka aşë wo aanji pën ţi kaloona ki bayiti.

1 Korinŧ 13:11

Wi mbiiŋ awo napoţ, dji kaţiini ji napoţ kaşal ji a, kawin iko ji a. Kë hënkuŋ wi nwooŋ naweek, dpënan ţi uşal naan iko bŧi yi kpoţ.