Zenez 9:1 - Kreol Morisyen OT Portions

¹ Bondie beni Noe ek so bann garson, e li dir zot: “Fer zanfan, ogmante e ranpli later.

Zenez 9:1 Referans Kwoze

Zenez 9:7

Kanta zot, fer boukou zanfan, ogmante e ranpli later.”

Zenez 1:28

Bondie beni zot e li dir zot: “Fer zanfan, peple e ranpli later, e metriz li. Bann pwason dan lamer, bann zwazo dan lezer ek tou bann zanimo ki viv lor later pou bizin soumet divan zot.”

Zenez 8:17

Tir tou bann zwazo, bann zanimo ek tou bann lezot bebet ki avek twa dan bato. Zot ava ogmante e ranpli later.”

Zenez 1:22

Bondie beni zot, e li dir : “Gagn boukou piti e ranpli lamer.” E li donn lord bann zwazo pou ogmante lor later.

Izai 51:2

Get Abraam zot papa ek Sara ki finn met zot lor sa later la; parski li ti tousel kan mo finn apel li, mo finn beni li, e mo finn donn li boukou desandan.

Zenez 24:60

Avan Rebeka ale, lafami beni li ek sa bann parol la: “Twa, nou ti-ser, To pou vinn anset boukou dimoun. To bann desandan ava pran lavil zot bann lennmi.”

Zenez 10:32

Tousala desandan bann garson Noe dapre zot klan ek zot pep. Apre deliz, zot desandan mem ki finn peple partou lor later.

Zenez 2:3

Bondie beni setiem zour e fer li vinn enn zour spesial parski li finn repoze sa zour la.

Psom 112:1

Alelouya, nou sant louanz LESEGNER! Bienere dimoun ki onor LESEGNER, ki obeyir so lansegnman ar plezir.

Zenez 9:19

Bann desandan sa trwa garson Noe lamem ki finn peple later.

Zenez 9:2

Tou bann zanimo lor later, bann zwazo, bann ti-bebet ek bann pwason dan lamer pou per zot e pou soumet divan zot. Mo met tousala dan zot lame.

Zenez 35:11

Bondie dir li: “Momem Bondie Toupwisan, Mo pou donn twa boukou zanfan. To pou vinn anset enn gran nasion, e mem plizir nasion. Pou ena bann lerwa parmi to bann desandan.