Zenez 6:6 - Kreol Morisyen OT Portions

⁶ LESEGNER regrete ki li finn met bann imin lor later. Sa fer so leker fermal.

Zenez 6:6 Referans Kwoze

Izai 63:10

Me zot, zot finn revolte, e zot finn fer so lespri sin sagrin. Alor li finn sanze, li finn vinn enn lennmi pou zot. Limem ki finn konbat kont zot.

Izai 48:18

Si to ti fer atansion ar mo bann komandman, to lape ti pou kouma enn larivier, e to lazistis ti pou kouma vag lamer.

Psom 106:45

Akoz li kontan zot li rapel so lalians; akoz so lamour infini li ti montre konpasion.

Psom 119:158

Kan mo get sa bann tret la mo gagn maloker parski zot pa respekte to instriksion.

Psom 110:4

LESEGNER ti fer enn serman e li pa pou renie so promes: “Ou pou res so pret pou toultan parey kouma pret Melkisedek.”

Psom 95:10

Pandan karant an mo ti degoute ar zot. Mo ti dir, ‘Get kouma zot ena lespri egare; Zot refiz obeyir mo instriksion.’

Psom 81:13

Si selman mo pep ti ekout mwa; si selman zot ti obeyir mo instriksion.

Psom 78:40

Komie fwa dan dezer zot ti met so lotorite odefi; komie fwa zot ti ranpli so leker ar sagrin.

Zenez 6:7

Li dir: “Mo pou detrir tou dimoun lor later. Mo pou balye zot tou, dimoun, zanimo, bebet, ek zwazo. Mo regrete ki mo finn kre zot.”