Zenez 49:1 - Kreol Morisyen OT Portions

¹ Zakob fer apel so bann garson e li dir zot: “Rasanble zot! Mo pou fer zot konn zot lavenir.

Zenez 49:1 Referans Kwoze

Izai 2:2

Enn zour, montagn kot lakaz LESEGNER ete pou klase pli gran parmi tou bann montagn. Li pou lev pli ot ki tou kolinn, e tou bann pei pou vinn kot li.

Psom 105:15

“Pa fer ditor mo bann serviter ki mo finn swazire; pa tous mo bann profet.”

Psom 25:14

LESEGNER ena lamitie pou seki obeyir li e li konfirm so lalians ar so bann fidel.

Izai 53:1

Kisannla finn krwar seki nou finn tande? Kisannla finn rekonet pwisans LESEGNER?

Izai 39:6

Bann zour pe vini kot sa bann la pou pran tou seki dan to pale. Tou seki to bann zanset finn ramase ziska azordi pou al dan Babilonn. Nanye pa pou reste. Ala seki LESEGNER finn dir.

Izai 22:14

Lerla LESEGNER Toupwisan finn dir mwa: “Zame sa fot la pa pou pardone ziska zot mor.” Samem ki LESEGNER Toupwisan finn dir.

Izai 48:14

Koste zot tou, vini, ekoute. Kisannla parmi zot finn rakont sa? LESEGNER kontan li. Li pou fer seki li anvi ar Babilonn, avek desandans bann Kaldeen.