Zenez 47:6 - Kreol Morisyen OT Portions

⁶ Pei Lezip antie divan twa. To kapav fer zot res dan meyer landrwa. Pena problem si zot res dan Gosenn. Anplis, si to trouve ki ena bann dimoun serye parmi zot, met zot ansarz mo prop troupo.”

Zenez 47:6 Referans Kwoze

Zenez 47:11

Zozef fer seki Faraon finn dir. Li fer so papa ek so bann frer res dan rezion Ramses, meyer landrwa dan Lezip. Li mem fer zot vinn propriyeter zot terin.

Proverb 22:29

Get bien sa artizan ki fer so travay bien la; lerwa pou angaz li, e li pou nepli bizin travay pou etranze.

Zenez 47:4

Lasesres pe tap for dan pei Kanaan. Finn nepli ena lerb pou nou bann troupo laba. Akoz sa, nou finn vinn isi. Nou sipliy twa, permet nou res dan rezion Gosenn.”

Proverb 21:1

Lespri enn dirizan kouma enn larivier dan lame LESEGNER; li diriz li kot li anvi.

Zenez 47:16

Zozef dir zot: “Si zot nepli ena kas, donn mwa zot bann zanimo. Anretour, mo pou donn zot manze.”

Zenez 34:10

Zot ava res parmi nou. Nou pei pou ouver pou zot. Zot pou kapav reste, fer komers, e vinn propriyeter.”

Zenez 20:15

Abimelek dir Abraam: “To bienveni dan mo pei. To kapav res kot to anvi.”

Zenez 13:9

Li pou pli bon si nou separe. Ankor ena boukou terin lib dan sa pei la. Si to swazir pou al lenor, mo pou al lesid. Si to swazir pou al lesid, mo pou al lenor.”

Zenez 13:10

Lot get dan direksion bann teritwar kot larivier Zourdin. Li trouve ki pa mank dilo laba. Sa lepok la, LESEGNER pa ti ankor detrir Sodom ek Gomor. Tou sa bann landrwa la, ziska Soar, zot ver kouma Zardin LESEGNER. Zot kouma later Lezip.

Zenez 45:10

To ava res pre ar mwa dan rezion Gosenn. To ava viv laba avek to bann zanfan ek to bann tizanfan. Amenn osi to bann troupo mouton, kabri, bef, ek tou seki to posede.

Zenez 46:34

Zot bizin reponn: ‘Nou, to bann serviter, finn okip zanimo depi nou zenes ziska asterla. Parey kouma nou bann anset ti fer avan nou.’ Lerla, li pou permet zot res dan rezion Gosenn, parski bann Ezipsien pa kontan bann elver mouton ek kabri.”

Zenez 47:5

Lerla, Faraon dir Zozef: “To papa ek to bann frer finn vinn kot twa.