Zenez 41:8 - Kreol Morisyen OT Portions

⁸ Landime gramatin, latet Faraon fatige. Alor, li fer apel tou bann mazisien ek bann saz dan Lezip. Li rakont zot so bann rev. Me personn pa kapav explik li bann rev la.

Zenez 41:8 Referans Kwoze

Izai 29:14

akoz samem mo pou kontign etonn sa pep-la atraver bann prodiz e bann mervey; sazes bann saz pou perdi, e lintelizans bann intelizan pou anvole.

Izai 8:19

Enn bann pe dir: “Dimann lespri bann mor, ki koz dousma e ki predir lavenir. Eski li pa normal, ki enn pep dimann konsey so bann bondie, e koz ar bann mor lor nom bann vivan

Zenez 40:8

Zot reponn li: “Nou finn fer sakenn enn rev. Pena personn isi ki kapav explik nou sa bann rev la.” Zozef dir zot: “Bondie ki donn konesans pou interpret rev. Pa per! Rakont mwa zot rev.”

Zenez 40:6

Gramatin, kan Zozef vinn get zot, li trouv zot dan traka.

Izai 19:3

Tou bann Ezipsien pou dekouraze, e mo pou brouy zot bann magouy. Zot pou al get bann fos bondie, bann ki koz ar bann mor, bann sorsie ek bann longanis.

Psom 25:14

LESEGNER ena lamitie pou seki obeyir li e li konfirm so lalians ar so bann fidel.

Zenez 41:7

Sa set ti zepi pati la, manz sa set gro zepi bien garni la. Lerlamem, somey Faraon kase enn deziem fwa. Li realize ki li ti pe reve.

Zenez 41:15

Faraon dir li: “Mo finn fer enn bann rev. Personn pa finn kapav interpret zot. Mo finn tann dir ki to kapav interpret rev.”

Zenez 41:24

Bann ti zepi la ti aval bann gro zepi bien garni la. Mo finn rakont bann mazisien mo bann rev. Me personn pa finn kapav explik mwa bann rev la.”