Zenez 39:3 - Kreol Morisyen OT Portions

³ Potifar remarke ki LESEGNER finn beni Zozef. Li reysi dan tou seki li fer.

Zenez 39:3 Referans Kwoze

Psom 1:3

Li kouma enn pie ki pous danbor dilo, ki raport so fri dapre so sezon e so fey res toultan ver. Sa dimoun ere la li toultan prospere.

Zenez 30:27

Me Laban dir li: “Ekout mwa, silteple! Mo finn trouve ki grasa twa, LESEGNER finn beni mwa.

Zenez 21:22

Sa lepok la, Abimelek ek Pikol, sef so larme, vinn get Abraam e dir li: “Bondie avek twa dan tou seki to fer.

Zenez 26:28

Lerla zot dir li: “Nou oblize rekonet ki LESEGNER avek twa. Nou panse li ti pou bon si ti ena enn lakor ant twa ek nou. Anou fer enn lalians!

Zenez 39:23

Sef la nepli bizin okip bann travay ki li konfie Zozef. LESEGNER avek Zozef e li reysi dan tou seki li fer.

Zenez 30:30

Avan mo ti vinn kot twa, to pa ti ena boukou kitsoz. Asterla, to dibien finn bien ogmante. LESEGNER finn beni twa depi ki mo finn vinn kot twa. To pa panse finn ler pou mo travay pou mo prop fami asterla?”

Zenez 26:24

Sa swar la, LESEGNER aparet avek li e dir li: “Momem Bondie to papa Abraam. Pa bizin to per. Mo pou avek twa e mo pou beni twa. Mo pou donn twa boukou desandan akoz mo serviter Abraam.”

Zenez 21:20

Bondie protez Ismael e li grandi. Li res dan dezer Parann kot li vinn enn gran saser. So mama marye li avek enn Ezipsienn.

Zenez 39:2

LESEGNER avek Zozef, e li reysi dan tou seki li fer. So met fer li res dan so prop lakaz.

Zenez 21:23

Promet mwa divan Bondie, ki zame to pa pou fer fos avek mwa e avek mo bann desandan. Parey kouma mo finn azir bien avek twa, twa osi to pou azir bien avek mwa e avek sa pei kot to pe reste kouma enn etranze la.”

Zenez 39:21

LESEGNER avek Zozef e li montre li so gran lamour. Li fer li gagn faver sef gard prizon.