Zenez 32:9 - Kreol Morisyen OT Portions

⁹ Li dir: “Si Ezai atak enn group, kitfwa lot group la ava sape.”

Zenez 32:9 Referans Kwoze

Zenez 31:42

Gramersi Bondie mo granper Abraam, sa Bondie ki mo papa Izaak respekte la ti dan mo kote. Sinon, mo sir to ti pou fer mwa retourn lame vid. Bondie finn trouv mo soufrans. Li kone kouma mo finn travay dir. Akoz sa, yerswar li finn donn twa enn warning.”

Zenez 31:13

Momem Bondie ki to ti adore dan Betel. Laba, to ti vers delwil lor enn ros e to ti fer mwa enn promes. Asterla, leve! Kit sa pei la e retourn dan pei to bann fami.’”

Zenez 28:13

LESEGNER vinn dibout divan li e dir li: “Momem LESEGNER, Bondie to granper Abraam ek Bondie Izaak. Mo pou donn twa ek to bann desandan sa later kot to pe dormi la.

Zenez 31:3

Alor, LESEGNER dir Zakob: “Retourn dan pei to bann anset, parmi to bann fami. Mwa, mo pou avek twa.”

Psom 50:15

Kan zot dan dife, apel mwa e mo pou vinn sov zot. Lerla zot sant mo louanz. “

Zenez 31:53

Abraam, Nahor, ek zot bann anset ti ador mem Bondie. Limem pou Ziz ant nou.” Alor, Zakob fer enn serman lor nom Bondie ki so papa Izaak adore.

Psom 91:15

Kan zot dimann led, zot pou gagne; kan zot dan detres, mo pou soutenir zot. Mo pou sov zot, mo pou onor zot.

Zenez 31:29

Mo ena pouvwar pou atak zot, me Bondie to papa finn koz avek mwa yerswar. Li finn dir mwa: ‘Fer atansion! Pa dir Zakob nanye, ni seki bon, ni seki move.’

Zenez 17:7

Mo pou gard mo lalians avek twa, e avek tou to bann desandan apre twa. Mo lalians pou dire zenerasion apre zenerasion. Mo pou zot Bondie pou touzour.

Zenez 28:15

Mo pou touzour avek twa pou protez twa partou kot to ale. Mo pou fer twa retourn dan sa pei la. Mo pa pou abandonn twa e mo pou realiz tou seki mo finn promet twa.”

Zenez 32:8

Ler Zakob tann sa, li sezi ar laper. Li separ tou bann dimoun ki avek li ande group. Li separ osi tou so bann zanimo ande group.

Zenez 49:25

Bondie to papa pou protez twa. Bondie Toupwisan pou beni twa. Li ava donn twa benediksion lapli ki sorti lao dan lesiel, ek dilo lasours ki sorti anba later. Li pou donn twa boukou zanfan, e to bann troupo pou ogmante boukou.