Zenez 32:11 - Kreol Morisyen OT Portions

¹¹ Mo pa merit sa gran lamour ek sa gran fidelite ki to finn ena anver mwa, to serviter. Kan mo ti travers larivier Zourdin, mo pa ti ena nanye apar mo baton. Zordi, mo pe retourne avek de gran group.

Zenez 32:11 Referans Kwoze

Proverb 18:19

Pa ofans enn frer, li pou bien difisil pou to afront li apre. Dispit ferm leker, kouma verou enn laport an-fer.

Psom 142:6

Ekout mo lapriyer dezespwar, akoz mo finn afebli. Protez mwa kont mo ennmi; zot tro for pou mwa.

Psom 119:134

Tir mwa dan latrap opreser pou ki mo lib pou obeyir to instriksion.

Psom 43:1

O Bondie, pran mo par; proklam mo inosans, defann mwa kont bann dimoun infidel; delivre mwa dan grif bann manter ek move dimoun.

Psom 31:2

Ekout mo lapriyer; vinn sekourir mwa vit. Tomem sitadel ki protez mwa; tomem fortres ki sov mwa.

Psom 25:20

Protez mwa, sov mwa; anpes mwa tom dan laont. Zis to tousel ki kapav garanti mo sekirite.

Psom 16:1

Protez mwa, Bondie; tomem mo sekirite.

Zenez 27:41

Ezai deteste Zakob akoz li finn pran benediksion zot papa dan so plas. Li dir: “Mo papa pre pou mor. Sa zour la Zakob pou peye. Mo pou touy li.”

Zenez 27:42

Rebeka aprann ki lintansion so premie garson, Ezai, ena. Alor, li fer apel so garson Zakob e li dir li: “Pran kont, to frer ena lintansion pou touy twa.

Zenez 32:3

Kan Zakob trouv zot, li kontan, e li dir: “Ala larme Bondie!” Alor, li apel sa landrwa la Mahanaim.

Zenez 32:7

Bann mesaze la fer seki Zakob finn dir zot. Kan zot retourne, zot dir Zakob: “Nou sorti kot to frer Ezai. Li pe vinn zwenn twa avek 400 zom.”

Zenez 33:4

Me Ezai galoupe vinn zwenn Zakob. Li may so likou e li anbras li. Lerla, toulede plore.

Zenez 24:27

Li dir: “Mo remersi twa SEGNER, Bondie mo met Abraam! To finn montre to gran lamour ek to fidelite anver mo met. LESEGNER finn kondir mwa kot bann fami mo met.”