Zenez 32:10 - Kreol Morisyen OT Portions

¹⁰ Lerla Zakob priye: “A, Bondie mo granper Abraam ek mo papa Izaak. SEGNER, to ti dir mwa retourn dan mo pei, kot mo bann fami. To ti promet ki to pou protez mwa.

Zenez 32:10 Referans Kwoze

Psom 18:35

To finn donn mwa to boukliye ki sov mwa; to lame drwat finn soutenir mwa; to bonte finn rann mwa for.

Zenez 24:27

Li dir: “Mo remersi twa SEGNER, Bondie mo met Abraam! To finn montre to gran lamour ek to fidelite anver mo met. LESEGNER finn kondir mwa kot bann fami mo met.”

Izai 63:7

Fidelite LESEGNER mo pou rapel. Louanz pou LESEGNER, pou tou seki LESEGNER finn akonpli pou nou, pou so gran bonte pou lakaz Izrael, pou tou seki li finn akonpli dan so mizerikord, pou labondans so fidelite.

Izai 6:5

Lerla mo dir: “Ayo maler lor mwa! Ala mo finn fini, parski mo enn zom avek lalev inpir! Mo res omilie enn pep avek lalev inpir e mo lizie finn trouv Lerwa LESEGNER Toupwisan.”

Proverb 4:18

Bann move dimoun mars dan sime marenwar; zot kogne, e zot pa kone ar ki. Me sime bann zis, li kouma lalimier gramatin; so klarte kontign ogmante ziska soley anler.

Psom 85:10

Lamour infini ek fidelite pou mars lame dan lame; Drwatir ek lape pou existe kotakot.

Psom 84:7

Amizir zot marse, zot lafors grandi, pou prezant devan Bondie ki pli pwisan ki tou lezot segner lor Montagn Sion.

Psom 61:7

Fer ki so regn dire pandan lontan ankor parski to finn beni li. Ki to fidelite ek to lamour prezerv li.

Psom 16:2

Mo dir LESEGNER, “Tomem mo Segner; mo pa ena pli gran boner ki twa. “

Psom 8:5

Pourtan to finn fer li inpe mwins ki Bondie. To finn kouronn li ar laglwar ek loner.

Zenez 32:7

Bann mesaze la fer seki Zakob finn dir zot. Kan zot retourne, zot dir Zakob: “Nou sorti kot to frer Ezai. Li pe vinn zwenn twa avek 400 zom.”

Zenez 32:5

Li donn zot sa mesaz la pou dir Ezai: “Ala seki to serviter Zakob dir twa: ‘Mo ti pe res kot Laban kouma enn etranze tou sa letan la. Asterla, mo finn desid pou retourne.

Zenez 30:43

Ala ki manier Zakob vinn extra ris. Li gagn boukou troupo, serviter ek servant, samo ek bourik.

Zenez 28:15

Mo pou touzour avek twa pou protez twa partou kot to ale. Mo pou fer twa retourn dan sa pei la. Mo pa pou abandonn twa e mo pou realiz tou seki mo finn promet twa.”

Zenez 18:27

Abraam dir li: “SEGNER, mwa ki zis lapousier ek lasann, exkiz mwa si mo oze koz avek twa.

Zenez 24:12

Serviter la priye: “SEGNER, Bondie ki mo met Abraam adore, permet mwa fer enn bon rankont zordi. Montre to gran lamour pou mo met Abraam.

Zenez 28:13

LESEGNER vinn dibout divan li e dir li: “Momem LESEGNER, Bondie to granper Abraam ek Bondie Izaak. Mo pou donn twa ek to bann desandan sa later kot to pe dormi la.

Zenez 31:3

Alor, LESEGNER dir Zakob: “Retourn dan pei to bann anset, parmi to bann fami. Mwa, mo pou avek twa.”