Zenez 28:4 - Kreol Morisyen OT Portions

⁴ Li ava beni twa ek to bann desandan parey kouma li ti beni Abraam. Li ti promet Abraam sa pei la. Zordi, nou pe viv isi kouma bann etranze. Me enn zour, twa ki pou erit sa pei la.”

Zenez 28:4 Referans Kwoze

Zenez 12:7

Enn zour, LESEGNER aparet avek Abram, e dir li: “Mo pou donn to bann desandan sa pei la.” Abram aranz enn lotel pou LESEGNER dan sa landrwa la, parski labamem LESEGNER finn aparet avek li.

Psom 39:12

Ekout mo lapriyer, SEGNER; tann mo douler kriye; vinn ed enn malere ki pe soufer. Kouma tou mo bann anset, mo enn etranze, mo vizit kot twa li bien kourt.

Psom 72:17

Fer ki lerwa so nom res dan nou memwar; fer ki so repitasion dire osi lontan ki lalimier soley. Tou bann pep pou konn benediksion par li, e zot pou deklar li bienere.

Zenez 15:8

Abram dir li: “Segner BONDIE, kouma mo pou kone si sa pei la pou vinn pou mwa?”

Zenez 27:33

Poulekou, Izaak gagn enn gran tranbleman. Li dir: “Me kisannla finn al lasas e finn prepar enn bon laviann pou mwa? Mo fek fini manz tou avan to vini e mo finn beni li. Mo pa pou kapav retir benediksion la.”

Zenez 37:1

Zakob res Kanaan, pei kot so papa ti finn imigre.