Zenez 27:4 - Kreol Morisyen OT Portions

⁴ Lerla, prepar enn bon repa kouma mo kontan. Apre sa, amenn li pou mo manze. Kan mo fini manze, mo pou donn twa mo benediksion avan mo mor.”

Zenez 27:4 Referans Kwoze

Zenez 48:9

Zozef reponn so papa: “Mo de garson ki Bondie finn donn mwa isi, dan Lezip.” Zakob dir li: “Fer zot koste ar mwa, pou mo beni zot.”

Zenez 49:28

Samem bann parol ki Zakob dir so bann garson kan li beni zot. Li donn sakenn enn benediksion spesial. So bann garson form 12 tribi Izrael.

Zenez 27:25

Alor, Izaak dir li: “Servi mwa, mo garson. Les mo manz sa bon laviann la. Apre, mo pou donn twa mo benediksion.” Zakob donn li manze. Li amenn osi inpe divin, e so papa bwar.

Zenez 27:7

Li finn dir li: ‘Amenn enn zanimo e prepar enn bon repa pou mo manze. Apre, mo pou beni twa divan LESEGNER avan mo mor.’

Zenez 28:3

Ki Bondie Toupwisan beni twa. Li ava donn twa boukou zanfan. To pou vinn anset enn gran pep.

Zenez 27:31

Li prepar enn bon repa e li amenn pou so papa. Li dir so papa: “Asize Papa, manz laviann ki to garson finn prepare. Lerla to ava donn mwa to benediksion.”

Zenez 27:27

Zakob koste, e li anbras so papa. Izaak santi loder so linz. Lerla li beni li par sa bann parol la: “A, mo garson, to loder parey kouma enn zardin ki LESEGNER finn beni.

Zenez 27:23

Li pa rekonet Zakob, parski so lame kouver ar pwal, parey kouma so frer Ezai. Me avan Izaak donn li so benediksion, li dimann li: “Eski vremem to mo garson Ezai?” Li reponn: “Wi, papa!”

Zenez 24:60

Avan Rebeka ale, lafami beni li ek sa bann parol la: “Twa, nou ti-ser, To pou vinn anset boukou dimoun. To bann desandan ava pran lavil zot bann lennmi.”

Zenez 14:19

Li beni Abram e li dir: “Abram, Bondie Treo beni twa, Limem Kreater lesiel ek later;

Zenez 27:5

Rebeka finn tann Izaak koz avek so garson Ezai. Ezai al dan bwa pou lasas enn zanimo pou so papa.

Zenez 27:9

Al dan troupo e amenn de zoli ti-kabri pou mwa. Mo pou prepar enn bon repa kouma to papa kontan.

Zenez 27:14

Zakob obeir e li al sers zot pou so mama. So mama prepar enn bon repa, parey kouma Izaak kontan.

Zenez 27:17

Lerla li donn Zakob sa bon manze la, avek dipin ki li finn prepare.

Zenez 27:19

Zakob dir so papa: “Mwa sa, Ezai, to gran garson. Mo finn fer seki to ti finn dir mwa. Asterla, asize e manz sa bon laviann ki mo finn prepare pou twa la. Apre sa to ava donn mwa to benediksion.”