Zenez 26:4 - Kreol Morisyen OT Portions

⁴ To bann desandan pou vinn boukou, kouma bann zetwal dan lesiel. Tou sa later la pou vinn pou zot. Tou bann nasion lor later pou gagn benediksion atraver zot,

Zenez 26:4 Referans Kwoze

Zenez 15:5

Li fer Abram sorti deor e li dir li: “Lev to lizie lao, e get lesiel. Kont bann zetwal si to kapav. To bann desandan pou vinn boukou kouma bann zetwal dan lesiel.”

Zenez 13:16

Mo pou donn twa enn gran desandans. Zot pou vinn boukou kouma lapousier later. Parey kouma pa kapav kont lapousier later, pa pou kapav kont to bann desandan.

Psom 72:17

Fer ki lerwa so nom res dan nou memwar; fer ki so repitasion dire osi lontan ki lalimier soley. Tou bann pep pou konn benediksion par li, e zot pou deklar li bienere.

Zenez 18:18

Mo kone Abraam pou vinn anset enn gran nasion ki pou bien for. Atraver li, tou bann pep lor later pou gagn benediksion.

Zenez 15:18

Sa zour la, LESEGNER fer enn lalians avek Abram. Li dir li: “Mo pou donn to bann desandan sa pei la antie, depi larivier Lezip ziska gran larivier Efrat.

Zenez 26:24

Sa swar la, LESEGNER aparet avek li e dir li: “Momem Bondie to papa Abraam. Pa bizin to per. Mo pou avek twa e mo pou beni twa. Mo pou donn twa boukou desandan akoz mo serviter Abraam.”

Zenez 28:3

Ki Bondie Toupwisan beni twa. Li ava donn twa boukou zanfan. To pou vinn anset enn gran pep.

Zenez 28:14

Mo pou ogmant to bann desandan e zot pou vinn boukou kouma lapousier later. Zot teritwar pou grandi depi lwes ziska les, e depi lenor ziska lesid. Mo pou beni tou bann fami lor later atraver twa ek to bann desandan.

Zenez 35:12

Pei ki mo ti donn Abraam ek Izaak, mo donn twa li. Plitar, apre twa, mo pou donn to bann desandan pei la.”

Zenez 47:27

Bann Izraelit pe res dan rezion Gosenn, dan Lezip. Zot vinn propriyeter terin e zot gagn boukou zanfan.