Zenez 24:7 - Kreol Morisyen OT Portions

⁷ LESEGNER, Bondie ki dan lesiel, finn fer mwa kit lakaz mo papa ek mo pei natal. Li finn koz avek mwa. Li finn promet mwa ki li pou donn mo bann desandan sa pei la. Li pou avoy so anz divan twa. To pou reysi amenn enn fam pou mo garson.

Zenez 24:7 Referans Kwoze

Psom 34:7

So bann anz kanp otour bann ki respekte LESEGNER, e li sov zot.

Zenez 13:15

Mo pou donn twa ek to bann desandan tou sa bann pei la pou touzour.

Psom 73:24

To pou gid mwa ar bon konsey e alafin to pou akeyir mwa ar boukou loner.

Psom 32:8

Mo pou ansegn twa e montre twa ki sime bizin pran; Mo pou gid twa e konsey twa.

Zenez 15:18

Sa zour la, LESEGNER fer enn lalians avek Abram. Li dir li: “Mo pou donn to bann desandan sa pei la antie, depi larivier Lezip ziska gran larivier Efrat.

Psom 103:20

Zot tou bann anz ki for ek kouraze, ki akonplir so instriksion e ki obeyir parol ki li dir, remersie LESEGNER.

Zenez 26:24

Sa swar la, LESEGNER aparet avek li e dir li: “Momem Bondie to papa Abraam. Pa bizin to per. Mo pou avek twa e mo pou beni twa. Mo pou donn twa boukou desandan akoz mo serviter Abraam.”

Zenez 17:8

Zordi to zis enn etranze dan sa pei la. Me pei Kanaan antie pou vinn pou twa ek to desandan pou touzour. E mwa, mo pou zot Bondie.”

Izai 63:9

Dan tou zot langwas, li pa finn anvoy okenn mesaze pou sov zot. Dan so lamour e so konpasion, limem ki finn raset zot, e ki finn sarye zot, e ki finn port zot, tou lezour dan lepase.

Zenez 16:7

Inpe plitar, Anz LESEGNER trouv Agar dan dezer. Li kot enn pwi ki trouv lor larout Sour.

Zenez 21:17

Bondie tann lagoni Ismael e anz Bondie apel Agar depi dan lesiel: “Agar, ki to gagne? Pa bizin per! Bondie finn tann lavwa to garson.

Zenez 22:11

Me anz LESEGNER apel Abraam depi lesiel: “Abraam, Abraam!” Abraam reponn: “Wi! Mo pe ekout twa.”

Zenez 24:3

Fer enn promes lor nom LESEGNER, Bondie lesiel ek later. Promet ki zame to pa pou fer mo garson marye isi, avek enn tifi Kananeen.

Zenez 24:40

Li ti dir mwa: ‘Mo mars avek LESEGNER. Li pou avoy so anz divan twa, e li pou fer twa reysi dan to vwayaz. To pou trouv enn fam pou mo garson kot mo bann fami, lakaz mo papa.

Psom 136:26

Nou remersie Bondie ki Souvrin dan lesiel, so lamour infini li eternel.