Zenez 24:12 - Kreol Morisyen OT Portions

¹² Serviter la priye: “SEGNER, Bondie ki mo met Abraam adore, permet mwa fer enn bon rankont zordi. Montre to gran lamour pou mo met Abraam.

Zenez 24:12 Referans Kwoze

Zenez 24:27

Li dir: “Mo remersi twa SEGNER, Bondie mo met Abraam! To finn montre to gran lamour ek to fidelite anver mo met. LESEGNER finn kondir mwa kot bann fami mo met.”

Zenez 26:24

Sa swar la, LESEGNER aparet avek li e dir li: “Momem Bondie to papa Abraam. Pa bizin to per. Mo pou avek twa e mo pou beni twa. Mo pou donn twa boukou desandan akoz mo serviter Abraam.”

Zenez 24:48

Apre sa mo ti azenou pou ador LESEGNER. Mo ti remersi LESEGNER, Bondie mo met Abraam. Li ti finn kondir mwa kot bann fami mo met, e mo finn trouv enn tifi pou marye ek so garson.

Zenez 24:42

Zordi, kan mo ti ariv kot zot pwi, mo ti priye: ‘SEGNER, Bondie mo met Abraam, fer mwa reysi dan mo vwayaz.

Proverb 3:6

Rekonet li dan tou to proze, e li pou ekler to sime.

Psom 127:1

Si LESEGNER pa konstrir enn lakaz, travay artizan tourn dan vid; si LESEGNER pa okip sekirite so lavil, bann santinel pou fer senntri dan vid.

Psom 122:6

Anou priye pou lape dan Zerizalem: “Ki zot konn prosperite, bann ki kontan twa.

Psom 118:25

Delivre nou, SEGNER, delivre nou! O SEGNER, nou sipliy twa, donn nou sikse!

Psom 37:5

Donn LESEGNER to lavi, met to konfians dan li, e li pou ed twa;

Zenez 43:14

Mo priye ki Bondie Toupwisan tous so leker. Li ava gagn pitie pou zot, e li ava les Benzamin ek Simeon revinn avek zot. Mwa, mo ava res tousel, koumadir zame mo ti ena zanfan.”

Zenez 32:9

Li dir: “Si Ezai atak enn group, kitfwa lot group la ava sape.”

Zenez 31:42

Gramersi Bondie mo granper Abraam, sa Bondie ki mo papa Izaak respekte la ti dan mo kote. Sinon, mo sir to ti pou fer mwa retourn lame vid. Bondie finn trouv mo soufrans. Li kone kouma mo finn travay dir. Akoz sa, yerswar li finn donn twa enn warning.”

Zenez 28:13

LESEGNER vinn dibout divan li e dir li: “Momem LESEGNER, Bondie to granper Abraam ek Bondie Izaak. Mo pou donn twa ek to bann desandan sa later kot to pe dormi la.

Zenez 27:20

Izaak dir li: “Kouma to finn gagn zanimo la vit koumsa mo garson?” Zakob reponn: “LESEGNER to Bondie finn fer mwa reysi.”

Zenez 27:10

Kan mo fini kwi, to ava al donn to papa manze. Lerla, li pou donn twa so benediksion avan li mor.”

Zenez 15:1

Enn zour, LESEGNER koz avek Abram dan enn vizion e dir li: “Abram, pa bizin per! Momem to Protekter. Mo pou donn twa enn gran rekonpans.”

Zenez 24:21

Pandan sa letan la, serviter la pe obzerv li ansilans. Li anvi kone si vremem LESEGNER finn fer so vwayaz vinn enn reysit.

Zenez 32:10

Lerla Zakob priye: “A, Bondie mo granper Abraam ek mo papa Izaak. SEGNER, to ti dir mwa retourn dan mo pei, kot mo bann fami. To ti promet ki to pou protez mwa.