Zenez 21:6 - Kreol Morisyen OT Portions

⁶ Sara dir: “Bondie finn fer mwa riye ar lazwa. Tou dimoun ki pou tann sa nouvel la pou riye avek mwa.

Zenez 21:6 Referans Kwoze

Izai 54:1

“Kriy to lazwa, twa ki steril. Twa ki zame finn gagn zanfan, kriy for to lazwa. Manifeste to lazwa for for, twa ki pa finn met personn lor sa later-la; parski sa fam ki finn abandone-la pe gagn plis zanfan ki sa fam ki finn marye-la.” Samem ki LESEGNER pe dir.

Psom 126:2

Nou labous ti ranpli ar gran riye, nou lalang ti kriye ar lazwa. Ala nou riye la! Nou tann bann lezot nasion dir, “LESEGNER finn fer vremem boukou pou zot.”

Zenez 17:17

Abraam prostern li bien ba. Apre sa li riye e li dir dan so leker: “Eski enn bonom 100 an kapav fer zanfan? Sara ena 90 an, eski li pou kapav vinn mama?”

Izai 49:21

Lerla to pou dir dan to leker: “Kisannla finn akous sa bann la? Mo pa ti kapav gagn zanfan e mo ti steril, exile e rezete. E sa bann la, kisann-la finn fer zot grandi? Pandan ki mo ti tousel, sa bann la, kot zot ti ete?”

Psom 113:9

Li donn enn lakaz bann madam ki pa kapav gagn zanfan e li beni zot ar nesans zanfan. Alelouya, nou sant louanz LESEGNER!

Izai 49:15

Eski enn madam bliye so ti zanfan? Eski li pena pitie pou garson ki finn sort dan so vant? Mem si li bliye, mwa, mo napa pou bliye twa.