Zenez 21:12 - Kreol Morisyen OT Portions

¹² Me Bondie dir li: “Abraam, pa pran traka akoz garson la ek to servant. Fer seki Sara finn dir twa. Izaak, limem pou donn twa bann desandan ki mo finn promet twa.

Zenez 21:12 Referans Kwoze

Zenez 17:19

Bondie dir: “Non, to fam Sara pou donn twa enn garson. To pou apel li Izaak. Mo pou etabli mo lalians avek li e avek so bann desandan apre li. Mo lalians pou dire pou touzour.

Izai 46:10

Depi komansman mo rakont seki bizin arive. Lontan davans, mo finn dir bann kiksoz ki pankor vini, mo dir: mo proze pou realize, e tou seki mo oule mo pou fer.

Zenez 17:21

Me mo lalians pou avek Izaak. Sara pou gagn li dan sa mem lepok la, lane prosenn.”