Zenez 20:9 - Kreol Morisyen OT Portions

⁹ Lerla, Abimelek fer apel Abraam, e li dimann li: “Kifer to finn fer sa avek nou? Mo pa finn fer twa nanye demal. Me twa, to finn oule fer mwa ek mo pep komet enn gran pese. To pa ti bizin fer enn zafer parey ar mwa.

Zenez 20:9 Referans Kwoze

Zenez 12:18

Lerla, Faraon fer apel Abram e dir li: “Kifer to finn fer sa ar mwa? Kifer to pa ti dir mwa ki Sarai to fam?

Zenez 39:9

Personn pena plis lotorite ki mwa dan sa lakaz la. Mo met finn permet mwa fer tou, sof tous twa, parski to so fam. Mo pa pou kapav komet enn lemal parey. Mo pa pou fer enn pese koumsa divan Bondie.”

Zenez 26:10

Lerla Abimelek dir li: “Kifer to finn fer sa ar nou? Ankor inpe, enn zom ti kapav dormi avek to fam. Sa ti pou rann nou koupab.”

Proverb 28:10

Tou seki antrenn bon dimoun dan sime lemal, pou tom dan zot prop piez. Me bann dimoun onet pou konn enn lavenir ere.

Zenez 38:24

Trwa mwa pli tar, kikenn vinn dir Zida: “To belfi finn fer prostitision e li finn tom ansint.” Zida donn lord: “Amenn li deor e bril li vivan.”

Zenez 34:7

Zis dan sa ler la, bann garson Zakob rant lakaz. Kan zot tann sa nouvel la zot bwi ar koler. Seki Sikem finn fer avek Dina finn sali loner bann zanfan Izrael. Li pa ti bizin fer enn zafer koumsa.

Zenez 20:8

Abimelek leve bien boner gramatin. Li fer apel tou so lantouraz e li rakont zot tou seki finn pase. Bannla gagn extra per.

Zenez 20:10

Ki finn pas dan to latet pou to fer sa?”

Zenez 29:25

Landime gramatin, Zakob gagn sok kan li trouv Lea dan so lili. Lerla, li dir Laban: “Kifer to finn fer sa ar mwa? Mo finn travay pou twa set an pou mo gagn Rasel. Alor, kifer to finn trik mwa?”