Zenez 19:1 - Kreol Morisyen OT Portions

¹ Ler pre pou aswar, de anz la ariv Sodom. Lot pe asize pre kot lantre lavil. Kouma li trouv zot, li leve e li al zwenn zot. Li prostern divan zot ziska so figir tous later.

Zenez 19:1 Referans Kwoze

Zenez 18:22

De parmi bann viziter la pran direksion Sodom. Me Abraam res la, dan prezans LESEGNER.

Zenez 11:27

Ala lalis bann desandan Tera: Tera gagn Abram, Nahor ek Arann. Arann gagn Lot.

Zenez 18:16

Apre zot repa, bann viziter la leve pou repran zot larout. Zot get dan direksion Sodom. Abraam fer enn bout sime avek zot.

Zenez 19:2

Lerla li dir zot: “Mo sipliy zot, fer mwa loner vinn kot mwa, zot serviter. Zot ava lav zot lipie e dormi dan mo lakaz zordi. Dime gramatin zot ava lev boner pou kontign zot larout.” Zot reponn: “Non, nou pou pas lanwit lamem, lor laplas piblik.”

Zenez 19:10

Me sa de invite la ris Lot dan lakaz, e zot ferm laport.

Psom 69:12

Bann ki asiz dan lantre vilaz koz kont mwa, e bann soular sant sante boufon lor mwa.

Zenez 13:12

Abram res dan Pei Kanaan. Lot al res dan bann lavil ki trouv dan vale Zourdin. Li plant so latant pre ar Sodom.

Zenez 23:12

Abraam prostern ankor enn fwa divan zot.

Zenez 48:12

Zozef tir so bann garson lor zenou so papa. Lerla, li prostern divan so papa.

Rit 4:1

Boaz al asiz lor laplas piblik, kot laport lavil. Anmemtan, sa lot fami pros avek Elimelek la pase. Limem ki Boaz ti koz avek Rit. Boaz dir li: “Bonzour kamarad! Vinn asiz inpe!” Vremem, li vinn asize.