Zenez 18:10 - Kreol Morisyen OT Portions

¹⁰ Enn parmi sa trwa la dir li: “Mo pou retourn kot twa dan mem sezon lane prosenn e to fam Sara pou ena enn garson.” Sara pe ekoute dan lantre latant, deryer Abraam.

Zenez 18:10 Referans Kwoze

Zenez 21:2

Alor, li tom ansint, e li donn Abraam enn garson dan so vie zour. Sa arive dan letan ki Bondie ti finn anonse.

Zenez 17:21

Me mo lalians pou avek Izaak. Sara pou gagn li dan sa mem lepok la, lane prosenn.”

Zenez 17:19

Bondie dir: “Non, to fam Sara pou donn twa enn garson. To pou apel li Izaak. Mo pou etabli mo lalians avek li e avek so bann desandan apre li. Mo lalians pou dire pou touzour.

Zenez 17:16

Mo pou beni li, e li pou donn twa enn garson. Li pou vinn anset enn kantite nasion. Parmi so bann desandan, ena ki pou vinn lerwa bann pep.”

Zenez 16:10

Pli tar mo pou donn twa enn gran desandans. Telman zot pou boukou, personn pa pou kapav konte ki kantite zot ete.

Zenez 18:9

Bann viziter la dimann Abraam: “Kot to fam Sara?” Li reponn: “Li lamem, dan latant.”

Zenez 21:1

LESEGNER fer seki li ti promet Sara. Sara gagn faver LESEGNER.