Zenez 17:4 - Kreol Morisyen OT Portions

⁴ “Ala mo lalians ki mo etabli avek twa: To pou vinn anset enn kantite nasion.

Zenez 17:4 Referans Kwoze

Zenez 35:11

Bondie dir li: “Momem Bondie Toupwisan, Mo pou donn twa boukou zanfan. To pou vinn anset enn gran nasion, e mem plizir nasion. Pou ena bann lerwa parmi to bann desandan.

Zenez 12:2

Mo pou fer twa vinn papa enn gran nasion, e mo pou beni twa. To nom pou respekte partou. E to pou enn benediksion pou lezot.

Zenez 48:19

Me so papa refize, e dir li: “Mo kone kisannla pli gran mo garson. Bann desandan Manase pou vinn enn gran pep. Me Efraim pou vinn pli gran ki li. So bann desandan pou form plizir nasion.”

Zenez 32:12

Mo sipliy twa, protez mwa kont mo frer Ezai, parski mo per li. Li kapav vinn touy nou tou, depi bann mama ziska bann zanfan.

Zenez 22:17

Mo pou beni twa. To bann desandan pou vinn boukou kouma bann zetwal dan lesiel, e kouma bann grin disab dan bor lamer. Zot pou ranport la viktwar lor zot bann lennmi e zot pou pran bann lavil zot bann lennmi.

Zenez 16:10

Pli tar mo pou donn twa enn gran desandans. Telman zot pou boukou, personn pa pou kapav konte ki kantite zot ete.

Zenez 13:16

Mo pou donn twa enn gran desandans. Zot pou vinn boukou kouma lapousier later. Parey kouma pa kapav kont lapousier later, pa pou kapav kont to bann desandan.

Zenez 25:23

LESEGNER reponn li: “Ena de nasion dan to vant, To pou donn nesans de pep diferan. Enn ladan pou pli for. Seki pli gran pou servi seki pli zenn.”

Zenez 28:3

Ki Bondie Toupwisan beni twa. Li ava donn twa boukou zanfan. To pou vinn anset enn gran pep.