Zenez 15:1 - Kreol Morisyen OT Portions

¹ Enn zour, LESEGNER koz avek Abram dan enn vizion e dir li: “Abram, pa bizin per! Momem to Protekter. Mo pou donn twa enn gran rekonpans.”

Zenez 15:1 Referans Kwoze

Izai 41:10

Napa gagn per parski mo avek twa. Napa efreye, parski momem to bondie. Mo finn rann twa for, e mo finn ed twa. Mo finn protez twa ar mo lame drwat ki ranport laviktwar.

Psom 119:114

Tomem mo protekter, mo sover; mo fer konfians to parol.

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Zenez 26:24

Sa swar la, LESEGNER aparet avek li e dir li: “Momem Bondie to papa Abraam. Pa bizin to per. Mo pou avek twa e mo pou beni twa. Mo pou donn twa boukou desandan akoz mo serviter Abraam.”

Izai 41:14

Napa gagn per, Zakob, twa ki lezot konsider kouma enn ti lever, Izrael, twa ki lezot konsider kouma enn ti moustik. LESEGNER pe dir: Mo pe vinn sekour twa. Momem Bondie Sin Izrael, mo pou sov twa.

Psom 5:12

Wi, twa, SEGNER, to beni bann ki obeyir twa, to gran lamour anvlop zot e protez zot parey kouma enn boukliye.

Psom 18:2

LESEGNER, limem mo sitadel, mo veritab fortres, mo liberater, mo Bondie, sitadel kot mo santi mwa ansekirite, boukliye ki protez mwa, ki defann mwa, ki sov mwa.

Rit 2:12

LESEGNER ava rekonpans twa pou tousala. To finn vinn rod proteksion LESEGNER, Bondie Izrael. Li ava donn twa so benediksion anabondans.”

Izai 43:5

Napa gagn per, parski mo avek twa. Mo pou fer to bann desandan revinn depi les, depi lwes mo pou rasanble zot.

Psom 142:5

SEGNER, mo sipliy twa vinn ed mwa. Mo dir twa, “Tomem mo protekter; tomem mo trezor lor later bann vivan. “

Psom 3:3

Me twa, SEGNER, to touzour boukliye ki protez mwa; to sov mo loner, to relev mo latet.

Zenez 21:17

Bondie tann lagoni Ismael e anz Bondie apel Agar depi dan lesiel: “Agar, ki to gagne? Pa bizin per! Bondie finn tann lavwa to garson.

Psom 58:11

Dimoun pou dir for-for, “Vremem, dimoun ki viv drwat pe gagn rekonpans; vremem, ena enn Bondie ki zize lor later! “

Izai 51:12

Momem to konsolater. Kifer to per bann mortel kouma twa, e bann imin ki pou disparet kouma lerb?

Psom 27:1

LESEGNER, limem mo lalimier; limem mo sover. Mo pena pou per personn. LESEGNER protez mwa kont tou danze; mo pena pou tranble devan personn.

Proverb 11:18

Bann move dimoun travay pou nanye; dimoun ki fer dibien, enn zour pou dan bien.

Psom 91:4

Ar so lezel li pou kasiet twa; anba so lezel to pou ansekirite; so fidelite parey enn boukliye ek enn zarm protekter.

Izai 44:2

Ala seki LESEGNER pe dir: “Momem ki finn fer twa, ki finn fasonn twa dan vant to mama, ki pe soutenir twa. Napa gagn per! Twa Zakob, mo serviter; Twa Yesouroun, ki mo finn swazir!

Izai 43:1

Asterla, LESEGNER pe koze, limem ki finn kree twa Zakob, limem ki finn fasonn twa Izrael. Napa gagn per, parski mo finn liber twa. Mo finn apel twa par to nom: twa, to tou pou mwa.

Izai 35:4

Dir bann leker ki gagn per: “Res for, napa gagn per, ala zot Bondie.” Li pe vinn vanze pou zot. Li pe vinn rann lazistis. Limem ki pe vini pou sov zot.

Proverb 30:5

Tou seki Bondie dir, li vre; li enn boukliye pou dimoun ki rod so sekour.

Psom 84:9

Beni nou lerwa, nou boukliye, beni lerwa ki to finn konsakre.

Izai 44:8

Napa terifie, napa gagn per. Pa momem ki finn anons zot sa, e finn revel zot sa depi lontan? Zot mem mo bann temwin. Eski ena enn lot Bondie apart mwa? Pena okenn lot Protekter apart mwa; mo pa konn personn ankor.

Zenez 15:2

Abram reponn: “A Segner BONDIE, ki to pou donn mwa? To konn bien ki mo pena zanfan. Eliezer ki sorti Damas pou vinn mo eritie.

Zenez 15:4

LESEGNER dir Abram: “Non, pa sa zom la ki pou vinn to eritie, me to prop disan. To prop garson ki pou vinn to eritie.”

Zenez 31:7

Pourtan, li finn trik mwa e li finn sanz mo lapey dis fwa. Me Bondie pa finn les li fer mwa dimal.

Zenez 22:1

Enn zour, Bondie teste Abraam. Li apel li, e Abraam reponn: “Wi, mo pe ekout twa.”

Zenez 22:20

Apre sa bann evennman la, Abraam gagn nouvel ki so frer Nahor finn gagn plizir zanfan avek Milka.

Psom 3:4

Mo kriye osekour for for mem ver LESEGNER e li reponn mwa depi so montagn sakre.

Psom 115:10

Zot, bann pret dan tanp Lesegner, met zot konfians dan lame LESEGNER. Limem zot protekter ek zot sekour.

Izai 40:10

Gete! LESEGNER Bondie pe vinn avek pwisans. Li pou regne avek lafors so lebra. Gete! Li pe amenn avek li seki li finn gagne, so rekonpans pe vinn divan li.