Zenez 13:11 - Kreol Morisyen OT Portions

¹¹ Lot swazir pou al dan bann laplenn ki pre ar Zourdin. Alor, li lev so kan e li al dan direksion les. Ala ki manier Lot ek so tonton Abram finn separe.

Zenez 13:11 Referans Kwoze

Zenez 13:9

Li pou pli bon si nou separe. Ankor ena boukou terin lib dan sa pei la. Si to swazir pou al lenor, mo pou al lesid. Si to swazir pou al lesid, mo pou al lenor.”

Proverb 27:10

Pa rezet to kamarad, ni kamarad to papa. Si to bizin led, pa al rode kot fami reste; enn vwazin akote, pli sir ki enn fami ki res lwin.

Psom 119:63

Mo solider ar bann ki ador twa e ki obeyir to instriksion.

Psom 16:3

Dan sa pei la, bann ki swiv Bondie zot nob ek bon! Mo ena afeksion pou bann dimoun koumsa.

Zenez 13:14

Apre separasion Lot ek Abram, LESEGNER dir Abram: “Lev to lizie e get dan direksion lenor, lesid, les ek lwes.

Zenez 19:17

Kan zot ariv andeor lavil, de anz la dir zot: “Ale, sov zot lavi. Pa vir deryer e pa aret okennpar. Al kasiet dan montagn, sinon zot pou mor.”

Zenez 13:10

Lot get dan direksion bann teritwar kot larivier Zourdin. Li trouve ki pa mank dilo laba. Sa lepok la, LESEGNER pa ti ankor detrir Sodom ek Gomor. Tou sa bann landrwa la, ziska Soar, zot ver kouma Zardin LESEGNER. Zot kouma later Lezip.

Zenez 13:12

Abram res dan Pei Kanaan. Lot al res dan bann lavil ki trouv dan vale Zourdin. Li plant so latant pre ar Sodom.