Zenez 12:16 - Kreol Morisyen OT Portions

¹⁶ Faraon tret Abram bien akoz Sarai. Li donn li mouton, kabri, bef, serviter ek servant, bourik ek samo.

Zenez 12:16 Referans Kwoze

Zenez 20:14

Apre sa, Abimelek rann li so fam. Anmemtan, li donn li mouton ek bef, serviter ek servant.

Zenez 13:2

Abram extra ris. Li ena enn kantite troupo zanimo, e li posed boukou larzan ek lor.

Zenez 32:5

Li donn zot sa mesaz la pou dir Ezai: “Ala seki to serviter Zakob dir twa: ‘Mo ti pe res kot Laban kouma enn etranze tou sa letan la. Asterla, mo finn desid pou retourne.

Zenez 26:14

Li ena boukou troupo zanimo, ek boukou serviter ek servant. Alor, bann Filistin zalou li.

Zenez 24:35

LESEGNER finn beni mo met boukou e li finn fer li vinn bien ris. Li finn donn li boukou troupo zanimo, larzan ek lor, samo ek bourik, serviter ek servant.

Zenez 13:6

Pena ase patiraz dan sa landrwa la pou Abram ek Lot, parski zot ena boukou troupo. Zot nepli kapav res ansam.

Zenez 16:1

Sarai, fam Abram, pa kapav gagn zanfan. Li ena enn servant Egypsienn ki apel Agar.

Zenez 30:43

Ala ki manier Zakob vinn extra ris. Li gagn boukou troupo, serviter ek servant, samo ek bourik.