Zenez 11:7 - Kreol Morisyen OT Portions

⁷ Anou desann pou met konfizion dan zot langaz. Koumsa personn pa pou konpran so kamarad.”

Zenez 11:7 Referans Kwoze

Psom 33:10

LESEGNER kas plan bann diferan popilasion; Li anpes zot realiz zot bann proze.

Psom 55:9

Segner met konfizion dan langaz mo ennmi, brouy zot; parski mo trouv violans ek konfli dan lavil.

Zenez 1:26

Lerla Bondie dir: “Anou kre bann imin dan nou limaz ek dan nou resanblans. Zot ava ena lotorite lor bann pwason dan lamer ek bann zwazo dan lezer. Zot ava ena lotorite osi lor bann zanimo domestik, bann zanimo sovaz, ek tou bann bebet ek reptil ki viv lor later.”

Psom 2:4

LESEGNER ki pe asiz lor so tronn lao dan lesiel pe riye e pran zot pou enn bann boufon.

Izai 6:8

Lerla mo finn tann lavwa LESEGNER: “Kisann-la mo pou anvoye? Kisannla pou vinn nou portparol?” Mo reponn: “Ala mo la, anvoy mwa”.

Zenez 42:23

Zot pa kone si Zozef konpran zot langaz, parski li servi enn interpret pou koz avek zot.

Zenez 11:5

Lerla, LESEGNER desann pou get lavil ek latour ki bann imin pe konstrir.

Zenez 10:20

Tousala bann desandan Kam. Zot groupe dan zot pei dapre zot langaz; dan zot nasion dapre zot klan.

Zenez 3:22

Lerla, LESEGNER Bondie dir: “Asterla zom la finn vinn kouma noumem. Li finn gagn enn gran konesans. Tansion li avoy lame, li kas fri dan pie ki donn lavi e li manze. Lerla li pou viv pou touzour.”

Zenez 10:32

Tousala desandan bann garson Noe dapre zot klan ek zot pep. Apre deliz, zot desandan mem ki finn peple partou lor later.

Zenez 10:5

Zotmem anset bann nasion ki viv lor lakot. Tousala bann desandan Zafet. Zot groupe dan zot pei dapre zot langaz; dan zot nasion dapre zot klan.

Izai 33:19

To pou nepli trouv sa pep insolan la, sa pep avek so koze ki pa konpran, avek so langaz bankal ki pena sans.