Zenez 1:26 - Kreol Morisyen OT Portions

²⁶ Lerla Bondie dir: “Anou kre bann imin dan nou limaz ek dan nou resanblans. Zot ava ena lotorite lor bann pwason dan lamer ek bann zwazo dan lezer. Zot ava ena lotorite osi lor bann zanimo domestik, bann zanimo sovaz, ek tou bann bebet ek reptil ki viv lor later.”

Zenez 1:26 Referans Kwoze

Zenez 3:22

Lerla, LESEGNER Bondie dir: “Asterla zom la finn vinn kouma noumem. Li finn gagn enn gran konesans. Tansion li avoy lame, li kas fri dan pie ki donn lavi e li manze. Lerla li pou viv pou touzour.”

Zenez 5:1

Ala lalis bann desandan Adam: Kan Bondie kre zom ek fam, li kre zot dan so prop resanblans. Li beni zot e li apel zot “Imin”.

Psom 100:3

Rekonet ki LESEGNER, limem Bondie. Li finn kree nou e nou pou li; nou so pep, so troupo dan so patiraz.

Izai 64:8

Aster SEGNER, tomem nou papa; nou, nou larzil. Twa, to fasonn nou, e nou tou, nou louvraz to lame.

Zenez 9:6

Si kikenn vers disan enn dimoun, so disan osi pou verse parey. Parski Bondie finn kre dimoun dan so prop resanblans.

Izai 6:8

Lerla mo finn tann lavwa LESEGNER: “Kisann-la mo pou anvoye? Kisannla pou vinn nou portparol?” Mo reponn: “Ala mo la, anvoy mwa”.

Psom 149:2

Izrael, exprim to boner akoz to Kreater; pep Sion, montre zot lazwa, selebre zot Lerwa.

Zenez 11:7

Anou desann pou met konfizion dan zot langaz. Koumsa personn pa pou konpran so kamarad.”

Zenez 2:19

Avek lapousier later, LESEGNER Bondie fasonn tou bann zanimo ek tou bann zwazo. Li fer zot tou vinn divan zom la, pou ki li donn sakenn enn nom. Koumsamem, tou bann kreatir vivan finn gagn zot nom.

Izai 45:18

Parski ala LESEGNER pe dir, kreater lesiel: “Limem Bondie ki finn fasonn later, ki finn form li e ki finn rann li solid. Li pa finn kree li vid, li finn fasonn li pou ki li abite. Momem LESEGNER, pena personn kouma mwa.