Zenez 1:24 - Kreol Morisyen OT Portions

²⁴ Bondie dir: “Mo oule ki later prodwir tou kalite kreatir vivan: bann zanimo domestik, bann ti bebet ek bann zanimo sovaz. Sakenn dapre so lespes.” Sa arive.

Zenez 1:24 Referans Kwoze

Zenez 6:20

Pran de dan sak lespes zwazo, dan sak lespes zanimo ek dan sak lespes ti bebet ki ranpe lor later. Amenn zot dan bato avek twa pou gard zot vivan.

Zenez 8:19

Tou bann kreatir vivan sorti dan bato par group, dapre zot lespes.

Psom 148:10

zanimo domestik ek zanimo sovaz, reptil ek zwazo, zot bizin loue li!

Zenez 7:14

Zot pran avek zot, tou bann lespes zanimo sovaz, zanimo domestik ek reptil ki ranpe lor later. Zot pran osi tou bann lespes zwazo ek bann lezot bebet ki ena lezel.

Psom 104:23

Lerla dimoun al okip zot okipasion ziska ki soley kouse.

Psom 104:18

Kabri sovaz gagn lavi lor montagn, bann liev kasiet parmi bann ros.

Zenez 1:23

Aswar fer, apre sa gramatin swiv. Samem sinkiem zour.

Zenez 2:19

Avek lapousier later, LESEGNER Bondie fasonn tou bann zanimo ek tou bann zwazo. Li fer zot tou vinn divan zom la, pou ki li donn sakenn enn nom. Koumsamem, tou bann kreatir vivan finn gagn zot nom.