Zenez 1:21 - Kreol Morisyen OT Portions

²¹ Alor, Bondie kre bann gran mons marin ek tou bann kreatir ki deplas par group dan dilo. Li kre osi tou kalite zwazo. Bondie trouve sa bon.

Zenez 1:21 Referans Kwoze

Zenez 1:25

Bondie kre tou kalite zanimo sovaz, zanimo domestik, bann ti bebet ek reptil; sakenn dapre so lespes. Bondie trouv sa bon.

Zenez 8:19

Tou bann kreatir vivan sorti dan bato par group, dapre zot lespes.

Zenez 8:17

Tir tou bann zwazo, bann zanimo ek tou bann lezot bebet ki avek twa dan bato. Zot ava ogmante e ranpli later.”

Zenez 9:7

Kanta zot, fer boukou zanfan, ogmante e ranpli later.”

Zenez 7:14

Zot pran avek zot, tou bann lespes zanimo sovaz, zanimo domestik ek reptil ki ranpe lor later. Zot pran osi tou bann lespes zwazo ek bann lezot bebet ki ena lezel.

Zenez 6:20

Pran de dan sak lespes zwazo, dan sak lespes zanimo ek dan sak lespes ti bebet ki ranpe lor later. Amenn zot dan bato avek twa pou gard zot vivan.

Zenez 1:31

Bondie get tou seki li finn kre, e vremem tou bien bon. Aswar fer, apre sa gramatin swiv. Samem siziem zour.

Zenez 1:18

Ena eklere lizour, ena eklere aswar, e zot separ lalimier ek teneb. Bondie trouve sa bon.

Zenez 1:20

Bondie dir: “Mo oule ki lamer ranpli ar tou kalite kreatir vivan. Mo oule kre bann zwazo pou anvol dan lezer.”

Zenez 1:22

Bondie beni zot, e li dir : “Gagn boukou piti e ranpli lamer.” E li donn lord bann zwazo pou ogmante lor later.

Zenez 9:2

Tou bann zanimo lor later, bann zwazo, bann ti-bebet ek bann pwason dan lamer pou per zot e pou soumet divan zot. Mo met tousala dan zot lame.

Psom 148:7

Loue LESEGNER depi lor later, zot bann mons dan lamer, tou seki dan profonder losean,

Zenez 2:19

Avek lapousier later, LESEGNER Bondie fasonn tou bann zanimo ek tou bann zwazo. Li fer zot tou vinn divan zom la, pou ki li donn sakenn enn nom. Koumsamem, tou bann kreatir vivan finn gagn zot nom.