Rit 4:1 - Kreol Morisyen OT Portions

¹ Boaz al asiz lor laplas piblik, kot laport lavil. Anmemtan, sa lot fami pros avek Elimelek la pase. Limem ki Boaz ti koz avek Rit. Boaz dir li: “Bonzour kamarad! Vinn asiz inpe!” Vremem, li vinn asize.

Rit 4:1 Referans Kwoze

Rit 3:12

Wi, li vre ki mo enn fami pros e mo ena enn devwar anver twa. Me ena enn lot misie ki pli pros ek to fami ki mwa.

Izai 55:1

Ola! Zot tou ki gagn swaf, koste kot dilo. Koste, mem si zot pena larzan. Vinn manze, li gratis. vinn bwar divin ek dile, Pena nanye pou peye.

Zenez 23:10

Efron lamem parmi bann Itit. Zot finn zwenn avek Abraam kot laport lavil. Lerla Efron reponn Abraam divan tou bann Itit.

Zenez 34:20

Sikem ek so papa Amor desid pou al koz avek bann zom lor laplas kot laport lavil. Zot dir:

Rit 3:18

Naomi dir Rit: “Pran pasians mo tifi. Biento nou pou kone ki pe rezerve pou twa. Mo sir ki lespri Boaz pa pou trankil tanki li pa fini okip tousala zordimem.”

Psom 69:12

Bann ki asiz dan lantre vilaz koz kont mwa, e bann soular sant sante boufon lor mwa.

Proverb 31:23

So mari ena bon repitasion e li sieze parmi bann lider dan pei.

Zenez 19:1

Ler pre pou aswar, de anz la ariv Sodom. Lot pe asize pre kot lantre lavil. Kouma li trouv zot, li leve e li al zwenn zot. Li prostern divan zot ziska so figir tous later.