Psom 97:1 - Kreol Morisyen OT Portions

¹ LESEGNER, limem lerwa! Later dans ar lazwa! Tou bann lil atraver losean, montre zot kontantman!

Nouvo Testaman Kreol Morisien Harmonisation NTPS KM

¹ LESEGNER, limem lerwa! Later dans ar lazwa! Tou bann lil atraver losean, montre zot kontantman!

Psom 97:1 Referans Kwoze

Psom 99:1

LESEGNER, limem lerwa; lepep partou tranble. Li asiz lor so tronn pli lao ki bann seribin; e liniver antie emerveye.

Psom 93:1

LESEGNER, limem lerwa, li anvlope par mazeste divinn, LESEGNER ena mazeste ek pwisans kouma enn tinik rwayal. Li finn etabli lemond bien ferm, peyna li bouze.

Izai 49:13

Lesiel, kriy zot lazwa! Later, rant dan fiesta! Montagn bat zot sega! Parski LESEGNER finn konsol so pep. Li pran pitie pou so bann pov.

Zenez 10:5

Zotmem anset bann nasion ki viv lor lakot. Tousala bann desandan Zafet. Zot groupe dan zot pei dapre zot langaz; dan zot nasion dapre zot klan.

Izai 66:19

Mo pou met enn sign kot zot, e mo pou pran parmi zot bann reskape pou anvoy zot dan bann pei: Kot Tarsis, Pit, Lid, Mesek, Toubal ek Yavann, kot bann zil ki bien lwin, ki pa finn tann koz mwa, e ki pa finn trouv mo laglwar. Zot pou fer bann pei konn mo laglwar.

Izai 60:9

Dan momem, ki bann zil pe espere. Bann bato Tarsis ki divan pou ramenn depi lwin to bann garson, ar zot larzan ek zot lor, akoz nom LESEGNER to Bondie, akoz Bondie Izrael, ki finn glorifie twa.

Izai 51:5

Mo lazistis finn koste, mo delivrans finn arive. Mo lebra pou diriz bann pep; bann zil pou met zot lesperans dan mwa e zot pou kont lor mo pwisans.

Izai 49:1

Ekoute, bann zil! Get mwa bien, bann pep ki lwin! LESEGNER finn apel mwa depi avan mo nesans. Depi dan vant mo mama li finn apel mo nom.

Izai 42:4

Li pa pou afebli, li pa pou kourbe, ziska seki li finn etabli lazistis lor later. Bann zil pe atann so lansegnman.

Izai 41:5

Bann zil finn trouve e finn gagn per. Bann ki lot kote later tranble, zot finn koste, zot finn aprose.

Izai 11:11

Pou arive sa zour la, ki LESEGNER pou lev so lame ankor enn fwa pou liber leres so pep, bann ki res dan Lasiri, Lezip, Patros, Kous, Elam, Sinear, Amat e dan bann zil.

Psom 2:11

Obeyir LESEGNER ar boukou respe; exprim zot lazwa, avek tranbleman.