Psom 91:1 - Kreol Morisyen OT Portions

¹ Ninport kisannla ki ena proteksion Bondie Pli Lao, ninport kisannla ki res dan lonbraz Bondie Toupwisan,

Nouvo Testaman Kreol Morisien Harmonisation NTPS KM

¹ Ninport kisann-la ki ena proteksion Bondie Pli Lao, ninport kisann-la ki res dan lonbraz Bondie Toupwisan,

Psom 91:1 Referans Kwoze

Psom 32:7

Tomem mo sanktyer; twa ki protez mwa ler siklonn pe tape, e bann sante lor to delivrans pou partou otour mwa.

Psom 27:5

Kan letan dir vini li pou gard mwa ansekirite dan so Tanp; li pou kasiet mwa anba so latant; li pou plas mwa ansekirite dan enn landrwa bien ot.

Psom 36:7

Bondie, to lamour infini samem nou pli gran trezor; anba to lezel tou dimoun santi zot ansekirite;

Psom 17:8

Protez mwa kouma trezor pli presie devan to lizie; kasiet mwa dan lonbraz to lezel

Psom 31:20

To prezans garanti zot sekirite e anpes zot tom dan piez bann konploter; dan labri kot to finn kasiet zot, insilt zot ennmi pa pe reysi fer zot dimal.

Izai 25:4

Parski to finn vinn enn lakaz solid pou bann pov, enn proteksion pou malere ki plonze dan detres, enn plas kot kasiet lapli, enn lonbraz kont saler. Kan bandi atake, zot kouma siklonn ki bat lor miray.

Psom 121:5

LESEGNER pou vey lor twa; LESEGNER koste ar twa, kouma enn lonbraz ki protez twa.

Izai 32:2

Sakenn, zot pou kouma enn proteksion kont divan, enn proteksion kont gro lapli, kouma bann larivier dan enn later sek, kouma lonbraz enn gro ros dan enn pei dezer.

Psom 90:1

Segner, se twa ki finn toultan donn nou sekirite.

Psom 57:1

Pran pitie, Bondie, pran pitie. Mo vinn rod proteksion kot twa. Anba to lezel mo ansekirite ziska ki maler kouma siklonn pase.

Psom 52:8

Me mwa mo kouma enn pie zoliv dan Tanp Bondie; mo finn fer konfians so lamour infini pou leternite.

Psom 25:13

Zot pou viv dan prosperite e zot zanfan pou posed later.

Izai 8:14

Li pou enn refiz, me li pou osi enn ros ki fer tonbe. Izrael ek Zida, toulede pou kogn ar sa ros-la e zot pou tonbe. Li pou enn file, ek enn piez pou bann abitan Zerizalem.