Psom 88:1 - Kreol Morisyen OT Portions

¹ SEGNER Bondie, mo Sover, toutlazourne mo kriy osekour; toutlanwit mo priye twa.

Nouvo Testaman Kreol Morisien Harmonisation NTPS KM

¹ SEGNER Bondie, mo Sover, tout lazourne mo kriy osekour; tou lanwit mo priye twa.

Psom 88:1 Referans Kwoze

Izai 12:2

Alalila, limem Bondie mo sover! Mo ena konfians, e mo nepli tranble parski LESEGNER, limem mo lafors e mo pwisans. Limem ki finn sov mwa.”

Psom 22:2

Mo Bondie, lizour mo sipliy twa ed mwa, me san repons; lanwit mo kriye, mo pa gagn okenn repo.

Psom 86:3

Tomem mo Bondie! Pitie mwa, Segner. Mo priye twa lanwit-lizour.

Psom 53:1

Bann inbesil panse dan zot leker, “Pou mwa, peyna Bondie!” Zot koronpi; zot fer bann krim orib; peyna enn osi ki fer dibien.

Psom 51:14

Kot ena disan verse, sov mwa, Bondie, Bondie mo liberater, e mo pou dir for-for ki tomem vre drwatir.

Psom 27:9

Pa tourn to ledo ar mwa! Pa abandonn to serviter fidel avek koler; to finn toultan soutenir mwa; pa rezet mwa, pa abandonn mwa, Bondie mo Sover.

Zenez 49:18

SEGNER, mo pe atann to delivrans!

Izai 62:6

Lor bann miray Zerizalem, mo finn met bann gard. Lanwit, lizour zame zot napa pou res trankil. Zot mazinn LESEGNER, zot pa pou pran repo.

Psom 140:7

Twa SEGNER, mo Segner, lafors ki sov mwa, to finn protez mo latet pandan konba.

Psom 79:9

Ed nou, Bondie, twa ki nou Sover, pou laglwar to nom; liber nou e pardonn nou pou laglwar to nom.

Psom 68:19

Nou loue Lesegner ki sarye nou fardo lanwit-lizour; Limem Bondie ki sov nou.

Psom 65:5

Par bann aksion manifik to reponn nou ar delivrans, Bondie nou Sover, tomem lespwar dimoun lor antie later, ziska dimoun lot kote dilo.

Psom 62:7

Mo delivrans ek mo loner zot dan lame Bondie; Limem mo gran protekter ek mo refiz.

Psom 27:1

LESEGNER, limem mo lalimier; limem mo sover. Mo pena pou per personn. LESEGNER protez mwa kont tou danze; mo pena pou tranble devan personn.

Psom 24:5

Dimoun prop gagn benediksion LESEGNER; Bondie so Sover pou rekonet ki li zis.

Psom 42:1

Parey kouma serf rod dilo kler larivier, mwa mo rod to prezans, mo Bondie.