Psom 86:1 - Kreol Morisyen OT Portions

¹ SEGNER, ekout mwa e ekzos mo lapriyer. Mo pov, mo feb e mo san resours.

Nouvo Testaman Kreol Morisien Harmonisation NTPS KM

¹ SEGNER, ekout mwa e exos mo lapriyer. Mo pov, mo feb e mo san resours.

Psom 86:1 Referans Kwoze

Psom 31:2

Ekout mo lapriyer; vinn sekourir mwa vit. Tomem sitadel ki protez mwa; tomem fortres ki sov mwa.

Psom 40:17

Mo feb ek pov, Segner, me zame to finn bliye mwa. Tomem mo sover, mo liberater, mo Bondie, pa tarde pou ed mwa!

Psom 34:6

Enn malere kriy osekour; LESEGNER finn tann li, e finn sov li dan tou so detres.

Izai 66:2

Tou sa bann kiksoz la, se mo lame ki finn fer sa; Alor, tou sa bann kiksoz-la zot pou mwa. Me mo pou pran kont bann malere, bann ki zot lespri finn kase, e bann ki pou respekte mo parol.” Samem ki LESEGNER pe dir.

Izai 37:17

Ouver to zorey SEGNER e tande. Ouver to lizie SEGNER e trouve. Tann bann parol ki Senakerib finn dir pou maltret Bondie vivan.

Psom 142:1

Avek tou mo lafors mo dimann LESEGNER ed mwa; avek tou mo lafors mo sipliy LESEGNER.

Psom 140:12

Mo kone ki LESEGNER pran par bann pov; li defann drwa bann ki bizin so led.

Psom 119:22

Protez mwa kont zot mepri ek zot insilt parski mwa mo respekte to lord.

Psom 102:17

Li pou tann soufrans so pep abandone e li pou ekzos zot lapriyer.

Psom 17:6

Mo apel twa O Bondie parski mo kone to pou reponn mwa; mo sipliy twa ekout mwa ar pasians, ekout parol ki mo pe dir twa.

Psom 102:1

SEGNER, ekout mo lapriyer; ekout mwa kriye mo detres.

Psom 10:14

Tousa pa vre! To bien trouv tou. To kone ena problem ek soufrans e to pran tou dan to lame. Bann ki feb ek san defans zot remet zotmem dan to lame. To finn toultan vinn osekour orfelin.

Psom 25:16

Tourn ver mwa, SEGNER, ena pitie pou mwa, parski mo tousel ek mo dan lapenn.