Psom 73:24 - Kreol Morisyen OT Portions

²⁴ To pou gid mwa ar bon konsey e alafin to pou akeyir mwa ar boukou loner.

Nouvo Testaman Kreol Morisien Harmonisation NTPS KM

²⁴ To pou gid mwa ar bon konsey e alafin to pou akeyir mwa ar boukou loner.

Psom 73:24 Referans Kwoze

Psom 32:8

Mo pou ansegn twa e montre twa ki sime bizin pran; Mo pou gid twa e konsey twa.

Izai 58:11

LESEGNER pou kondir twa touletan. Li pou donn twa manze dan bann landrwa sek, li pou fer to bann lezo vinn for. To pou kouma enn zardin bien aroze e kouma enn lasours so dilo zame napa sek.

Psom 48:14

Bondie, li nou Bondie pou toultan, li pou gid nou pou touzour.

Izai 48:17

Ala seki LESEGNER to sover pe dir, Bondie Izrael: Momem LESEGNER to Bondie. Mo pe fer twa aprann pou to prop dibien. Mwa ki pe kondir twa lor sime ki to pe swiv.

Izai 30:21

Ler to pou bizin al dan drwat oubien dan gos, to de zorey pou tann enn parol deryer twa ki pou dir “Samem sime ki to bizin pran, swiv li.”

Psom 25:9

Ar li dimoun pa vantar zot aprann seki drwat parski li montre zot so bon sime.

Izai 58:8

Alor, to lalimier pou sorti kouma soley leve gramatin, e to blesir pou sek vit-vit. To lazistis pou mars divan twa, e laglwar LESEGNER pou mars deryer twa.

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Psom 49:15

Me mo Bondie pou sov mwa dan pouvwar lamor, wi, li pou delivre mwa pou limem.

Psom 16:7

Mo loue LESEGNER parski li konsey mwa; mem aswar mo leker averti mwa.

Proverb 8:20

Mo mars lor sime ladrwatir, lor sime lazistis.