Psom 72:3 - Kreol Morisyen OT Portions

³ Fer ki bann montagn raport prosperite e bann kolinn amenn lazistis tou dimoun.

Nouvo Testaman Kreol Morisien Harmonisation NTPS KM

³ Fer ki bann montagn raport prosperite e bann kolinn amenn lazistis tou dimounn.

Psom 72:3 Referans Kwoze

Izai 52:7

Ala zot zoli la, lor bann montagn, lipie sa mesaze ki pe anons lape la! mesaze bon nouvel ki pe anons liberasion, ki finn dir Sion: “To Bondie pe regne”.

Psom 72:16

Fer ki so rwayom gagn lakoup rekor; fer ki karo ek vale donn manze ankantite kouma lor bann montagn Liban. Fer ki bann lavil ranpli ar dimoun kouma karo ranpli ar lerb.

Psom 65:12

Patiraz ranpli ar zanimo; flan kolinn ranpli ar lazwa;

Izai 45:8

Lesiel, fer laroze tonbe. Ki bann niaz devers lazistis. Ki later ouver e les delivrans anfler. Ki anmemtan li fer lazistis zerme. Momem LESEGNER ki finn kre tousala.

Izai 60:17

Olie bronz, mo pou fer bann-la amenn lor. Olie feray, mo pou fer bann-la amenn larzan. Dan plas dibwa, pou gagn bronz; e dan plas ros, pou gagn feray. Mo pou fer lape pou protez twa, lazistis pou gouvern twa.