Psom 71:18 - Kreol Morisyen OT Portions

¹⁸ Aster ki mo finn vinn vie, ki mo seve finn vinn blan pa abandonn mwa Bondie. Les mwa proklam to lafors ar zenerasion ki pe vini, e rakont to pwisans ar bann zenerasion fitir.

Nouvo Testaman Kreol Morisien Harmonisation NTPS KM

¹⁸ Aster ki mo finn vinn vie, ki mo seve finn vinn blan pa abandonn mwa Bondie. Les mwa proklam to lafors ar zenerasion ki pe vini, e rakont to pwisans ar bann zenerasion fitir.

Psom 71:18 Referans Kwoze

Izai 46:4

Ziska zot vinn vie, mwa mo pou lamem. Ziska zot seve vinn blan, mwa mo pou soutenir zot. Mwa mo pou port zot, mo pou tini zot e mo pou sov zot.

Psom 71:9

Pa rezet mwa aster ki mo finn vinn vie; pa abandonn mwa aster ki mo nepli for.

Psom 78:4

Nou pa pou kasiet sa nou bann zanfan; nou pou koz sa ar zenerasion ki pe vini, tou bann mervey LESEGNER, e so pouvwar, e bann aksion extraordiner ki li finn akonpli.

Psom 78:6

afin ki konesans la li transmet depi enn zenerasion ziska enn lot zenerasion ki pa‘nkor ne.

Psom 22:31

Zanfan ki pa‘nkor ne enn zour pou tann dir, “Lesegner ti defann e protez so pep.”

Izai 51:9

Leve! Leve! Lebra LESEGNER, servi to lafors. Leve kouma to ti leve letan lontan, pou bann zenerasion dan lepase. Pa tomem ki finn touy Raab, ki finn transpers dragon-la?

Izai 53:1

Kisannla finn krwar seki nou finn tande? Kisannla finn rekonet pwisans LESEGNER?

Zenez 27:1

Izaak finn vinn enn vie bonom; so lizie finn abime e li preske aveg. Li fer apel Ezai, so premie garson. Li dir li: “Mo garson.” Ezai reponn: “Mo lamem papa.”

Psom 48:14

Bondie, li nou Bondie pou toultan, li pou gid nou pou touzour.