Psom 65:2 - Kreol Morisyen OT Portions

² parski to ekzos nou lapriyer. Dimoun sorti partou vinn ver twa.

Nouvo Testaman Kreol Morisien Harmonisation NTPS KM

² parski to exos nou lapriyer. Dimounn sorti partou vinn ver twa.

Psom 65:2 Referans Kwoze

Izai 65:24

Lerla, avan ki zot apel mwa, mwa mo pou fini reponn. Zot pa pou ankor fini koze, ki mo pou fini tande.

Izai 66:23

Nouvel linn apre nouvel linn, saba apre saba, tou dimoun pou prosterne divan mwa. LESEGNER finn dir.

Psom 86:9

Tou bann nasion ki to finn kree pou vinn ver twa pou prezant zot respe; zot pou glorifie to nom.

Psom 66:19

Me Bondie ti ekoute, li ti tann mwa e li ti ekzos mo lapriyer.

Psom 66:4

Tou dimoun lor later tom azenou divan twa; zot sant to louanz, zot beni to nom.”

Psom 102:17

Li pou tann soufrans so pep abandone e li pou ekzos zot lapriyer.

Izai 49:6

Li finn dir: “Li pa ase ki to vinn mo serviter pou relev bann klan Zakob, e retourn bann ki konsakre dan Izrael. Mo pou fer twa vinn lalimier bann pei, pou to vinn mo liberater ziska dan bout later.

Psom 22:27

Ziska finfon later, zot tou pou rapel e zot tou pou retourn ver LESEGNER. Bann fami diferan tribi ek nasion pou prostern devan li ek ador li.

Psom 66:13

Mo pou ofer sakrifis konple dan to Tanp; mo pou donn ofrand kouma mo ti promet.

Psom 116:14

Dan lasanble kot so pep reyni mo pou onor tou mo bann promes anver LESEGNER.

Psom 116:18

Dan lasanble kot so pep reyni mo pou onor tou mo bann promes anver LESEGNER,