Psom 60:4 - Kreol Morisyen OT Portions

⁴ To finn donn bann fidel enn banyer kouma enn signal pou ki zot sove divan bann fles ki atake.

Nouvo Testaman Kreol Morisien Harmonisation NTPS KM

⁴ To finn donn bann fidel enn banier kouma enn signal pou ki zot sove divan bann fles ki atake.

Psom 60:4 Referans Kwoze

Psom 20:5

Nou pou kriy nou lazwa pou partaz ou laviktwar, nou pou loue nou Bondie ar bann banyer pou selebre ou triyonf. Mo priye ki LESEGNER realiz tou ou dezir.

Izai 11:12

Li pou donn enn signal pou bann pei, li pou rasanble bann exile Izrael, li pou reini bann ki finn disperse depi Zida pou al kat kote later.

Izai 13:2

Lor enn montagn kot pena pie, donn enn signal. Kriy bien for pou bann-la tande, Donn signal, pou ki bann-la kapav vinn kot laport bann nob.

Izai 5:26

Li signal enn pep ki lwin e li sifle kat kote later pou apel li. Alala, pep-la pe vini, vit-vit kouma zekler!

Izai 49:22

Ala seki LESEGNER pe dir: “Gete! Mo lev lame ar bann pei, mo dres enn signal pou bann pep: zot pou amenn divan twa to bann garson dan zot lebra, e to bann tifi lor zot zepol.

Izai 59:19

Depi lwes, zot pou ena respe pou LESEGNER, e ziska les, zot pou respekte so laglwar, parski li pou vini kouma enn larivier, enn kouran ki divan LESEGNER pe pouse.

Psom 45:4

Kouma enn gran lerwa, mars ver laviktwar pou defann laverite, limilite e lazistis. Ou pwisans pou demontre bann gran aksion.