Psom 50:21 - Kreol Morisyen OT Portions

²¹ Ler zot ti fer tousala mo pa ti dir nannye. Akoz sa zot ti krwar mo parey kouma zot. Aster mo pou akiz zot, e zot pou konn laverite.

Nouvo Testaman Kreol Morisien Harmonisation NTPS KM

²¹ Ler zot ti fer tousala mo pa ti dir nanye. Akoz sa zot ti krwar mo parey kouma zot. Aster mo pou akiz zot, e zot pou konn laverite.

Psom 50:21 Referans Kwoze

Izai 57:11

Kisann-la ki finn fer twa gagn per, pou ki to koz manti e pou to nepli rapel mwa; pou to nepli met mwa dan to leker? Sirman akoz sa ki to nepli respekte mwa.

Proverb 29:1

Seki touletan rezinbe kan gagn repros, maler pou tom lor li antret. Okenn remed pa pou sap so lavi.

Psom 90:8

To plas nou bann fot devan twa, dan lalimier to prezans okenn sekre pa sape.

Izai 42:14

Lontan mo finn res trankil, mo finn res kalm, mo finn tini. Asterla mo pou kriye kouma enn madam ki pe akouse, mo pou plengne, parski mo pe mank ler.

Psom 50:3

Nou Bondie pe vini, pa krwar so demars trankil! Divan li enn gran laflam ki devor tou; otour li enn siklonn violan pe balye tou.

Psom 73:11

Zot dir koumsa, “Kot Bondie pou kone? Eski Pli Lao la konn kiksoz li?”

Izai 26:10

Me si nou gagn pitie pou bann move dimoun, zame zot pa pou aprann seki zis. Zot pratik lemal, mem dan pei kot sipoze ena lazistis. Zot refiz rekonet grander LESEGNER.

Psom 50:8

Mo pa pe kritik zot akoz zot sakrifis oubien akoz zot ofrand ki devan mwa toulezour.