Psom 34:19 - Kreol Morisyen OT Portions

¹⁹ Dimoun ki obeyir Bondie fer fas boukou traka me LESEGNER delivre li dan tousala;

Nouvo Testaman Kreol Morisien Harmonisation NTPS KM

¹⁹ Dimounn ki obeir Bondie fer fas boukou traka me LESEGNER delivre li dan tousala;

Psom 34:19 Referans Kwoze

Psom 34:17

Bann ki dan bon sime apel osekour, LESEGNER tann zot, li tir zot dan zot langwas.

Psom 34:6

Enn malere kriy osekour; LESEGNER finn tann li, e finn sov li dan tou so detres.

Psom 34:4

Mo ti dimann LESEGNER vinn ed mwa e li ti reponn, li ti balye prop tou mo bann angwas.

Proverb 24:16

Ninport komie fwa bon dimoun tonbe, li pou releve; me bann malfeter fini dan maler.

Psom 71:20

Mem si to finn avoy traka ek soufrans lor mwa mo kone to pou redonn mwa lavi. Mo kone to pou relev mwa, remont mwa depi profonder later.

Rit 1:3

Me Elimelek, mari Naomi, mor dan pei Moab. Naomi res tousel avek so de garson.

Psom 51:19

Apre sa to pou aksepte vre sakrifis, nou ofrand e nou bann sakrifis konple, lerla pou kapav sakrifie bann toro lor lotel dan to Tanp.

Psom 147:3

Li geri zot leker brize, li met pansman lor zot blesir.

Izai 55:6

Rod LESEGNER, aster ki li pe les zot trouv li. Kriye li, aster ki li finn koste.

Izai 57:15

Ala seki Bondie Treo, ki so nom sin e ki viv pou leternite, pe dir: “Mwa, Bondie Sin, mo res lao, e osi avek bann dimoun ki dan lapenn, e avek seki finn abese. Tou bann ki finn abese, mo pou fer zot reviv Tou bann ki finn gagn kraze, mo pou redonn zot lavi.