Psom 34:18 - Kreol Morisyen OT Portions

¹⁸ LESEGNER li toultan pre ar seki pe perdi kouraz; li replant lespwar kot lespwar finn mor.

Nouvo Testaman Kreol Morisien Harmonisation NTPS KM

¹⁸ LESEGNER li touletan pre ar seki pe perdi kouraz; li replant lespwar kot lespwar finn mor.

Psom 34:18 Referans Kwoze

Psom 147:3

Li geri zot leker brize, li met pansman lor zot blesir.

Psom 145:18

LESEGNER pre pou ed dimoun ki apel li e ki dimann so led ar sinserite.

Izai 57:15

Ala seki Bondie Treo, ki so nom sin e ki viv pou leternite, pe dir: “Mwa, Bondie Sin, mo res lao, e osi avek bann dimoun ki dan lapenn, e avek seki finn abese. Tou bann ki finn abese, mo pou fer zot reviv Tou bann ki finn gagn kraze, mo pou redonn zot lavi.

Izai 61:1

Lespri LESEGNER lor mwa parski LESEGNER finn konsakre mwa, pou anons bann pov bon nouvel. Li finn anvoy mwa pou geri bann ki zot leker finn kase, pou proklam liberasion pou bann ki dan kaptivite; e liberte pou bann ki dan prizon.

Psom 51:17

Sakrifis ki Bondie oule, li enn leker brize. Bondie akeyir enn peser leker brize ki finn repanti.

Izai 66:2

Tou sa bann kiksoz la, se mo lame ki finn fer sa; Alor, tou sa bann kiksoz-la zot pou mwa. Me mo pou pran kont bann malere, bann ki zot lespri finn kase, e bann ki pou respekte mo parol.” Samem ki LESEGNER pe dir.

Psom 85:9

Nou kone ki li pou sov bann ki onor li e so laglwar pou toultan la dan nou pei.

Izai 55:6

Rod LESEGNER, aster ki li pe les zot trouv li. Kriye li, aster ki li finn koste.

Psom 119:151

Me twa SEGNER, to la koste ar mwa e to komandman li vre pou toultan.

Psom 75:1

Mersi Bondie, mersi! Nou selebre to nom, parski li pros ar nou. Dimoun rakonte toultan bann mirak extraordiner ki to finn fer.

Psom 18:7

Lerla later ti tranble ek bouze; fondasion montagn sakouye ek vibre parski Bondie ti bien ankoler.

Psom 145:19

Bann ki onor li gagn seki zot bizin; li tann zot soufrans e li sov zot.