Psom 32:7 - Kreol Morisyen OT Portions

⁷ Tomem mo sanktyer; twa ki protez mwa ler siklonn pe tape, e bann sante lor to delivrans pou partou otour mwa.

Nouvo Testaman Kreol Morisien Harmonisation NTPS KM

⁷ Tomem mo labri; twa ki protez mwa ler siklonn pe tape, e bann sante lor to delivrans pou partou otour mwa.

Psom 32:7 Referans Kwoze

Psom 91:1

Ninport kisannla ki ena proteksion Bondie Pli Lao, ninport kisannla ki res dan lonbraz Bondie Toupwisan,

Psom 119:114

Tomem mo protekter, mo sover; mo fer konfians to parol.

Psom 27:5

Kan letan dir vini li pou gard mwa ansekirite dan so Tanp; li pou kasiet mwa anba so latant; li pou plas mwa ansekirite dan enn landrwa bien ot.

Psom 9:9

LESEGNER protez bann ki pe soufer dominasion; li donn sekirite kan maler pe tape.

Psom 31:20

To prezans garanti zot sekirite e anpes zot tom dan piez bann konploter; dan labri kot to finn kasiet zot, insilt zot ennmi pa pe reysi fer zot dimal.

Psom 143:9

SEGNER, mo vinn ver twa pou gagn to proteksion; protez mwa kont mo ennmi.

Psom 98:1

Anou sant enn nouvo sante pou LESEGNER ki finn fer bann explwa merveye! Zis ar so pouvwar ek so lafors sakre li finn sorti viktorye.

Psom 40:3

Li ti montre mwa enn nouvo sante; montre mwa sant louanz Bondie. Boukou pou konpran, pou montre respe, e pou met zot konfians dan LESEGNER.

Psom 32:10

Lasoufrans pe atann bann ki fer lemal me bann ki met zot konfians dan LESEGNER zot proteze par so lamour infini.

Psom 5:12

Wi, twa, SEGNER, to beni bann ki obeyir twa, to gran lamour anvlop zot e protez zot parey kouma enn boukliye.

Psom 18:5

Danze lamor ti antour mwa, bann tom ti pare pou aval mwa.