Psom 31:2 - Kreol Morisyen OT Portions

² Ekout mo lapriyer; vinn sekourir mwa vit. Tomem sitadel ki protez mwa; tomem fortres ki sov mwa.

Nouvo Testaman Kreol Morisien Harmonisation NTPS KM

² Ekout mo lapriyer; vinn delivre mwa vit. Tomem sitadel ki protez mwa; tomem fortres ki sov mwa.

Psom 31:2 Referans Kwoze

Psom 102:2

Kan mo bizin led, pa tourn to ledo kan mo dan detres; ekout mo lapriyer, pa tarde pou reponn mwa.

Psom 86:1

SEGNER, ekout mwa e ekzos mo lapriyer. Mo pov, mo feb e mo san resours.

Psom 130:2

O Segner, tann mo lavwa! Ekout mo lapriyer, mo sipliy twa ed mwa!

Izai 33:16

Seki res dan bann oter, bann gro miray an ros pou vinn so proteksion. Pou donn li dipin, li pa pou mank dilo.

Proverb 22:17

Ouver to zorey e ekout parol dimoun saz; met an-pratik mo bann lansegnman.

Psom 143:7

Ekzos mo lapriyer, SEGNER! Lespwar pe koul dan fon. Pa get lot kote, SEGNER; si to pa pran mwa kont, mo pou fini dan trou lamor.

Psom 94:22

Me LESEGNER defann mwa kouma enn fortres; mo Bondie abrit mwa kouma enn rok protekter.

Psom 91:9

Wi, SEGNER, tomem mo refiz ek mo proteksion. Twa ki finn fer Bondie Pli Lao vinn to sitadel

Psom 90:1

Segner, se twa ki finn toultan donn nou sekirite.

Psom 79:1

Ayo Bondie, bann nasion ennmi finn anvayir to patrimwann; zot finn viol pirte to Tanp sakre e zot finn detrir Zerizalem.

Psom 69:17

Pa kasiet to figir, get to serviter, mo dan gran lapenn, reponn mwa!

Psom 62:7

Mo delivrans ek mo loner zot dan lame Bondie; Limem mo gran protekter ek mo refiz.

Psom 40:17

Mo feb ek pov, Segner, me zame to finn bliye mwa. Tomem mo sover, mo liberater, mo Bondie, pa tarde pou ed mwa!

Psom 7:2

Sinon, kouma lion, zot pou desir-desir mwa, trenn-trenn mwa, e personn pa pou vinn delivre mwa.

Psom 25:2

Mo Bondie, mo met mo konfians an twa. Pa les mwa gagn laont; pa les mo ennmi gagn laviktwar lor mwa.