Psom 28:7 - Kreol Morisyen OT Portions

⁷ LESEGNER protez mwa, li defann mwa; mo finn met mo konfians dan li. Li ed mwa e li met lazwa dan mo leker. Ala kifer mo sant kantik pou dir li mersi.

Nouvo Testaman Kreol Morisien Harmonisation NTPS KM

⁷ LESEGNER protez mwa, li defann mwa; mo finn met mo konfians dan li. Li ed mwa e li met lazwa dan mo leker. Ala kifer mo sant kantik pou dir li mersi.

Psom 28:7 Referans Kwoze

Izai 61:10

Lazwa, bel lazwa, mo pou trouve dan LESEGNER. Mo nam pou trouv so kontantman dan mo Bondie, parski li finn abiy mwa ar linz delivrans, li finn anvlop mwa dan manto lazistis. kouma nouvo marye port enn girland, kouma enn pret so kouronn lor so latet, kouma nouvel marye port so bann bizou,

Psom 40:3

Li ti montre mwa enn nouvo sante; montre mwa sant louanz Bondie. Boukou pou konpran, pou montre respe, e pou met zot konfians dan LESEGNER.

Psom 13:5

Mwa mo fer konfians to gran lamour fidel pou mwa; mo leker ranpli ar lazwa parski to finn sov mwa.

Psom 28:8

LESEGNER limem lafors so pep; li fortres ki sov lerwa ki li finn konsakre.

Izai 12:2

Alalila, limem Bondie mo sover! Mo ena konfians, e mo nepli tranble parski LESEGNER, limem mo lafors e mo pwisans. Limem ki finn sov mwa.”

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Psom 69:30

Mo pou loue nom Bondie par enn kantik; mo pou proklam so grander avek aksiondegras.

Psom 22:4

Nou anset ti met zot konfians total dan twa; zot ti fer twa konfians e to ti delivre zot.

Psom 91:4

Ar so lezel li pou kasiet twa; anba so lezel to pou ansekirite; so fidelite parey enn boukliye ek enn zarm protekter.

Psom 3:3

Me twa, SEGNER, to touzour boukliye ki protez mwa; to sov mo loner, to relev mo latet.

Psom 21:1

SEGNER, lerwa dan lazwa parski to finn donn li lafors; li pe selebre parski to finn donn li laviktwar.

Zenez 15:1

Enn zour, LESEGNER koz avek Abram dan enn vizion e dir li: “Abram, pa bizin per! Momem to Protekter. Mo pou donn twa enn gran rekonpans.”

Psom 46:1

Bondie, limem nou protekter, lasours nou lafors; kan difikilte pe kraze partou Li touzour la pou ed nou.

Psom 33:21

Limem ki donn lazwa ki dan nou leker, nou ena konfians dan Bondie ki sin.

Psom 19:14

Fer ki parol mo labous e meditasion mo leker zot akseptab devan twa, O SEGNER, tomem mo protekter ek mo liberater.

Izai 45:24

Zot pou dir: “Dan LESEGNER tousel ena lazistis ek lafors.” Tou bann ki ti sofe kont li pou koste kot li, ranpli avek laont.

Psom 3:4

Mo kriye osekour for for mem ver LESEGNER e li reponn mwa depi so montagn sakre.

Psom 13:6

Mo pou kontinie sant pou LESEGNER parski li finn toultan bon anver mwa.

Psom 37:39

LESEGNER sov bann dimoun drwat e li protez zot kan zot dan difikilte.

Psom 43:2

Tomem Bondie ki mo protekter! Kifer to finn abandonn mwa? Kifer mo bizin kontinie soufer persekision mo lennmi?

Psom 46:2

Akoz sa nou pa per kan later tranble ouswa kan montagn al fonn dan fon lamer;