Psom 28:1 - Kreol Morisyen OT Portions

¹ Ver twa, SEGNER, mo apel osekour! Tomem mo sitadel, pa refiz ekout mwa. Si to gard silans mo pou kouma bann ki desann dan trou lamor.

Nouvo Testaman Kreol Morisien Harmonisation NTPS KM

¹ Ver twa, SEGNER, mo apel osekour! Tomem mo sitadel, pa refiz ekout mwa. Si to gard silans mo pou kouma bann ki desann dan trou lamor.

Psom 28:1 Referans Kwoze

Psom 143:7

Ekzos mo lapriyer, SEGNER! Lespwar pe koul dan fon. Pa get lot kote, SEGNER; si to pa pran mwa kont, mo pou fini dan trou lamor.

Psom 18:2

LESEGNER, limem mo sitadel, mo veritab fortres, mo liberater, mo Bondie, sitadel kot mo santi mwa ansekirite, boukliye ki protez mwa, ki defann mwa, ki sov mwa.

Proverb 1:12

Anou aval zot antie; fer zot rant dan zot tom enn fwa.

Psom 83:1

Bondie, pa res dan silans koumsa, Pa res trankil, san fer nannye, O Bondie!

Izai 26:4

Fer konfians LESEGNER pou touzour parski LESEGNER enn ros solid pou leternite.

Izai 38:18

Lemond lamor pa kapav loue twa. Lamor pa kapav sant to louanz. Zot nepli kont lor twa, bann ki desann dan lamor.

Psom 35:22

O SEGNER, to finn bien trouv tousala; pa gard silans. Pa res lwin ar mwa, Segner!

Psom 30:9

“Ki lavantaz ena dan mo lamor, si mo desann dan lafos lamor? Eski lapousier pou sant to laglwar? Eski zot kapav proklam to fidelite?

Psom 22:2

Mo Bondie, lizour mo sipliy twa ed mwa, me san repons; lanwit mo kriye, mo pa gagn okenn repo.

Psom 3:4

Mo kriye osekour for for mem ver LESEGNER e li reponn mwa depi so montagn sakre.

Psom 77:1

Mo kriye for, “Bondie ed mwa!” Mo kriye for e Bondie tann mwa.

Psom 69:15

Pa les debordman nway mwa, ris mwa dan fon ouswa may mwa dan trou lamor.

Psom 5:2

Twa mo Bondie, mo Lerwa, ekout mwa kan mo kriye twa, se twa ki mo priye.

Psom 142:1

Avek tou mo lafors mo dimann LESEGNER ed mwa; avek tou mo lafors mo sipliy LESEGNER.

Psom 39:12

Ekout mo lapriyer, SEGNER; tann mo douler kriye; vinn ed enn malere ki pe soufer. Kouma tou mo bann anset, mo enn etranze, mo vizit kot twa li bien kourt.

Psom 42:9

Mo dir Bondie, mo protekter, “Kifer to finn abandonn mwa? Kifer mo bizin kontinie soufer persekision mo lennmi? “

Psom 30:4

Zot tou bann fidel sant louanz LESEGNER! Selebre so nom ki sin, e dir li mersi.

Psom 142:2

Mo rakont li tou mo problem; mo dir li tou mo traka.